Kolegji i Posaçëm i Apelimit zhvilloi më datë 06.05.2025, ora 10:00, seancën gjyqësore publike të çështjes (JR) 24/2024, datë 01.07.2024, që i përket ankimit të Komisionerit Publik kundër vendimit të Komisionit të Pavarur të Kualifikimit, nr. 744, datë 19.03.2024, që lidhet me subjektin e rivlerësimit Artan Hajredinaj.

Kryesuesja e seancës gjyqësore informoi se gjatë periudhës kohore mes seancës së mëparshme, të zhvilluar më datë 28.04.2025 dhe seancës së sotme, kishin mbërritur në Kolegj dy denoncime, të cilët u ishin përcjellë palëve. Lidhur me to, përfaqësuesi i Prokurorisë së Posaçme z. Klodian Braho deklaroi se janë të përsëritura dhe nuk mbajnë të dhëna me rëndësi për procesin e rivlerësimit. Të njëjtin qëndrim ndau edhe subjekti i rivlerësimit.

Gjatë paraqitjes së konkluzioneve përfundimtare, përfaqësuesi i Prokurorisë së Posaçme deklaroi se i qëndron shkaqeve të ankimit për kriterin e pasurisë dhe se i qëndron në mënyrë të pjesshme shkaqeve të ankimit për kriterin e vlerësimit të aftësive profesionale. Z. Klodian Braho u shpreh se subjekti i rivlerësimit gjendet në kushtet e deklarimit të pasaktë e të pamjaftueshëm dhe nuk justifikon me burime të ligjshme pasurinë e tij. Sa i përket kriterit të vlerësimit të aftësive profesionale, përfaqësuesi i Prokurorisë së Posaçme deklaroi se për tri nga shtatë denoncime, subjekti i rivlerësimit nuk arriti të provojë të kundërtën e ankimit dhe se rrethanat e rastit mbeten të njëjta. Ndërkohë, për dy çështjet e referuara nga organet ligjzbatuese dhe një cështje me konflikt të mundshëm interesi, nga përfaqësuesi i Prokurorisë së Posaçme u vlerësua se nuk konstatohen problematika në vendimmarrjen e subjektit të rivlerësimit. Përfundimisht, z. Klodian Braho kërkoi ndryshimin e vendimit të Komisionit të Pavarur të Kualifikimit, nr. 744, datë 19.03.2024 dhe shkarkimin nga detyra të subjektit të rivlerësimit Artan Hajredinaj.

Përfaqësuesja ligjore e subjektit të rivlerësimit kundërshtoi ankimin, duke e konsideruar atë të padrejtë në raport me faktet e hetuara dhe të pambështetur në fakte e në ligj. Përfaqësuesja ligjore e subjektit të rivlerësimit i kërkoi Kolegjit të mbajë në konsideratë faktin se pasaktësitë në deklarimin e pasurisë dhe rastet e trajtuara në kuadër të kriterit të vlerësimit të aftësive profesionale në referencë të denoncimeve, bazuar edhe në parimin e proporcionalitetit, nuk përmbajnë elementë të tillë që do të mund të afektonin vlerësimin pozitiv të subjektit dhe konfirmimin e tij në detyrë. Përfaqësuesja ligjore, përfundimisht, i kërkoi Kolegjit lënien në fuqi të vendimit nr. 744, datë 19.03.2024, që ka konfirmuar në detyrë subjektin e rivlerësimit Artan Hajredinaj.

Pasi dëgjoi konkluzionet përfundimtare të palëve, trupi gjykues u tërhoq në dhomë këshillimi për marrjen e vendimit përfundimtar, të cilin do ta shpallë më datë 14.05.2025, ora 15:00.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

Në datë 06.05.2025, në Kolegjin e Posaçëm të Apelimit u hodh shorti për zëvendësimin e gjyqtares Ina Rama, e caktuar kryesuese në çështjen (JR) nr. 48/2022, datë 17.11.2022, që i përket ankimit të subjektit të rivlerësimit Emiljano Ruli kundër vendimit nr. 557 vendimi, datë 29.07.2022, të Komisionit të Pavarur të Kualifikimit.

Zëvendësimi i gjyqtares Ina Rama është bërë pas kërkesës së subjektit të rivlerësimit Emiljano Ruli për përjashtimin e gjyqtares nga gjykimi i çështjes, kërkesë e cila u pranua me vendimin nr. 17, datë 30.04.2025, nga trupi gjykues i përbërë nga gjyqtarët: Rezarta Schuetz (kryesuese), Sokol Çomo, Natasha Mulaj, Albana Shtylla dhe Mimoza Tasi (anëtarë).

Pas hedhjes së shortit, për caktimin e gjyqtarit anëtar dhe më pas, për kryesuesin, trupi gjykues i çështjes (JR) nr. 48/2022, datë 17.11.2022, do të ketë përbërjen që vijon:

Kryesuese: Rezarta Schuetz

Relatore: Albana Shtylla

Anëtarë: Sokol Çomo, Natasha Mulaj, Mimoza Tasi

Ditën e mërkurë, më datë 28.05.2025, ora 10:00, do të gjykohet në dhomë këshillimi çështja (JR) nr. 48/2022, datë 17.11.2022, që i përket ankimit të subjektit të rivlerësimit Emiljano Ruli kundër vendimit të Komisionit të Pavarur të Kualifikimit nr. 557, datë 29.07.2022.

Trupi gjykues për gjykimin e kësaj çështjeje përbëhet nga gjyqtarët:

Kryesuese: Rezarta Schuetz

Relatore: Albana Shtylla

Anëtarë: Natasha Mulaj, Mimoza Tasi, Sokol Çomo

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

********************************************

Ditën e enjte, më datë 05.06.2025, ora 10:00, do të gjykohet në dhomë këshillimi çështja (JR) nr. 43/2022, datë 27.09.2022, që i përket ankimit të subjektit të rivlerësimit Çlirim Sino kundër vendimit të Komisionit të Pavarur të Kualifikimit nr. 547, datë 06.07.2022.

Trupi gjykues për gjykimin e kësaj çështjeje përbëhet nga gjyqtarët:

Kryesuese: Albana Shtylla

Relatore: Rezarta Schuetz

Anëtarë: Ina Rama, Mimoza Tasi, Sokol Çomo

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

Ditën e mërkurë, më datë 07.05.2025, ora 10:00, do të gjykohet në dhomë këshillimi çështja (JR) nr. 46/2022, datë 19.10.2022, që i përket ankimit të subjektit të rivlerësimit Alfred Sali kundër vendimit të Komisionit të Pavarur të Kualifikimit nr. 555, datë 22.07.2022.

Trupi gjykues për gjykimin e kësaj çështjeje përbëhet nga gjyqtarët:

Kryesuese: Natasha Mulaj

Relatore: Albana Shtylla

Anëtarë: Mimoza Tasi, Rezarta Schuetz, Sokol Çomo

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

Trupi gjykues i Kolegjit të Posaçëm të Apelimit, i përbërë nga Natasha Mulaj kryesuese, Albana Shtylla relatore, Mimoza Tasi, Rezarta Schuetz, Sokol Çomo anëtarë, shpalli vendimin për çështjen nr. 46/2022, datë 19.10.2022, që i përket ankimit të subjektit të rivlerësimit Alfred Sali kundër vendimit të Komisionit të Pavarur të Kualifikimit nr. 555, datë 22.07.2022.

Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

Lënien në fuqi të vendimit nr. 555, datë 22.07.2022 të Komisionit të Pavarur të Kualifikimit, që i përket subjektit të rivlerësimit Alfred Sali.

Ky vendim është përfundimtar dhe me efekt të menjëhershëm.

U shpall sot, më datë 07.05.2025, në Tiranë.

Trupi gjykues i Kolegjit të Posaçëm të Apelimit, i përbërë nga Ina Rama kryesuese, Rezarta Schuetz relatore, Albana Shtylla, Mimoza Tasi, Natasha Mulaj anëtare, shqyrtoi në dhomë këshillimi çështjen me nr. 57 – 17/ 2019 (JR), datë 24.04.2023, që i përket kërkesës së paraqitur nga z. Alfred Gjoni për rishikimin e vendimit nr. 9 (JR), datë 26.06.2020 të Kolegjit të Posaçëm të Apelimit.

Pas shqyrtimit të kërkesës, trupi gjykues, bazuar në nenin 498, pika 1, të Kodit të Procedurës Civile, në mënyrë unanime vendosi:

Mospranimin e kërkesës së kërkuesit Alfred Gjoni për rishikimin e vendimit nr. 9 (JR), datë 26.06.2020 të Kolegjit të Posaçëm të Apelimit.

U shpall sot, në Tiranë, më datë 08.05.2025.

Trupi gjykues i Kolegjit të Posaçëm të Apelimit, i përbërë nga Natasha Mulaj kryesuese, Rezarta Schuetz relatore, Albana Shtylla, Mimoza Tasi, Sokol Çomo anëtare, shqyrtoi në dhomë këshillimi çështjen me nr. 46 – 2/ 2019 (JR), datë 18.04.2023, që i përket kërkesës së paraqitur nga z. Ramadan Troci për rishikimin e vendimit nr. 26 (JR), datë 21.10.2019 të Kolegjit të Posaçëm të Apelimit.
Pas shqyrtimit të kërkesës, trupi gjykues, bazuar në nenin 498, pika 1, të Kodit të Procedurës Civile, me shumicë votash, vendosi:

Mospranimin e kërkesës së kërkuesit Ramadan Troci për rishikimin e vendimit nr. 26 (JR), datë 21.10.2019 të Kolegjit të Posaçëm të Apelimit.

U shpall sot, në Tiranë, më datë 08.05.2025.

Trupi gjykues i Kolegjit të Posaçëm të Apelimit, i përbërë nga Albana Shtylla kryesuese, Sokol Çomo relator, Ina Rama, Mimoza Tasi, Rezarta Schuetz anëtare, shpalli vendimin për çështjen nr. 41/2024, datë 21.10.2024, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 762, datë 15.05.2024, që lidhet me subjektin e rivlerësimit Afrim Shehu.

Në përfundim të gjykimit, trupi gjykues, bazuar në nenin 66, pika 1, shkronja “b” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

· Ndryshimin e vendimit nr. 762, datë 15.05.2024 të Komisionit të Pavarur të Kualifikimit dhe shkarkimin nga detyra të subjektit të rivlerësimit Afrim Shehu.

· Ky vendim është përfundimtar dhe ka efekt të menjëhershëm.

U shpall sot, më datë 08.05.2025, në Tiranë.

Ditën e martë, më datë 13.05.2025, ora 10:00, do të gjykohet në dhomë këshillimi çështja (JR) nr. 42/2022, datë 22.09.2022, që i përket ankimit të subjektit të rivlerësimit Astrit Halilaj kundër vendimit të Komisionit të Pavarur të Kualifikimit nr. 545, datë 30.06.2022.

Trupi gjykues për gjykimin e kësaj çështjeje përbëhet nga gjyqtarët:

Kryesuese: Albana Shtylla

Relatore: Mimoza Tasi

Anëtarë: Natasha Mulaj, Rezarta Schuetz, Sokol Çomo

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

Kolegji i Posaçëm i Apelimit zhvilloi më datë 06.05.2025, ora 10:00, seancën gjyqësore publike të çështjes (JR) 24/2024, datë 01.07.2024, që i përket ankimit të Komisionerit Publik kundër vendimit të Komisionit të Pavarur të Kualifikimit, nr. 744, datë 19.03.2024, që lidhet me subjektin e rivlerësimit Artan Hajredinaj.

Kryesuesja e seancës gjyqësore informoi se gjatë periudhës kohore mes seancës së mëparshme, të zhvilluar më datë 28.04.2025 dhe seancës së sotme, kishin mbërritur në Kolegj dy denoncime, të cilët u ishin përcjellë palëve. Lidhur me to, përfaqësuesi i Prokurorisë së Posaçme z. Klodian Braho deklaroi se janë të përsëritura dhe nuk mbajnë të dhëna me rëndësi për procesin e rivlerësimit. Të njëjtin qëndrim ndau edhe subjekti i rivlerësimit.

Gjatë paraqitjes së konkluzioneve përfundimtare, përfaqësuesi i Prokurorisë së Posaçme deklaroi se i qëndron shkaqeve të ankimit për kriterin e pasurisë dhe se i qëndron në mënyrë të pjesshme shkaqeve të ankimit për kriterin e vlerësimit të aftësive profesionale. Z. Klodian Braho u shpreh se subjekti i rivlerësimit gjendet në kushtet e deklarimit të pasaktë e të pamjaftueshëm dhe nuk justifikon me burime të ligjshme pasurinë e tij. Sa i përket kriterit të vlerësimit të aftësive profesionale, përfaqësuesi i Prokurorisë së Posaçme deklaroi se për tri nga shtatë denoncime, subjekti i rivlerësimit nuk arriti të provojë të kundërtën e ankimit dhe se rrethanat e rastit mbeten të njëjta. Ndërkohë, për dy çështjet e referuara nga organet ligjzbatuese dhe një cështje me konflikt të mundshëm interesi, nga përfaqësuesi i Prokurorisë së Posaçme u vlerësua se nuk konstatohen problematika në vendimmarrjen e subjektit të rivlerësimit. Përfundimisht, z. Klodian Braho kërkoi ndryshimin e vendimit të Komisionit të Pavarur të Kualifikimit, nr. 744, datë 19.03.2024 dhe shkarkimin nga detyra të subjektit të rivlerësimit Artan Hajredinaj.

Përfaqësuesja ligjore e subjektit të rivlerësimit kundërshtoi ankimin, duke e konsideruar atë të padrejtë në raport me faktet e hetuara dhe të pambështetur në fakte e në ligj. Përfaqësuesja ligjore e subjektit të rivlerësimit i kërkoi Kolegjit të mbajë në konsideratë faktin se pasaktësitë në deklarimin e pasurisë dhe rastet e trajtuara në kuadër të kriterit të vlerësimit të aftësive profesionale në referencë të denoncimeve, bazuar edhe në parimin e proporcionalitetit, nuk përmbajnë elementë të tillë që do të mund të afektonin vlerësimin pozitiv të subjektit dhe konfirmimin e tij në detyrë. Përfaqësuesja ligjore, përfundimisht, i kërkoi Kolegjit lënien në fuqi të vendimit nr. 744, datë 19.03.2024, që ka konfirmuar në detyrë subjektin e rivlerësimit Artan Hajredinaj.

Pasi dëgjoi konkluzionet përfundimtare të palëve, trupi gjykues u tërhoq në dhomë këshillimi për marrjen e vendimit përfundimtar, të cilin do ta shpallë më datë 14.05.2025, ora 15:00.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

Ditën e enjte, më datë 15.05.2025, ora 10:00, do të gjykohet në dhomë këshillimi çështja (JR) nr. 53/2022, datë 28.12.2022, që i përket ankimit të subjektit të rivlerësimit Blerta Marku (Çibuku) kundër vendimit të Komisionit të Pavarur të Kualifikimit nr. 565, datë 26.09.2022.

Trupi gjykues për gjykimin e kësaj çështjeje përbëhet nga gjyqtarët:

Kryesuese: Natasha Mulaj

Relator: Sokol Çomo

Anëtarë: Albana Shtylla, Mimoza Tasi, Rezarta Schuetz

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

Trupi gjykues i Kolegjit të Posaçëm të Apelimit, i përbërë nga Natasha Mulaj kryesuese, Ina Rama relatore, Albana Shtylla, Rezarta Schuetz, Sokol Çomo anëtarë, shqyrtoi sot, më datë 29.04.2025, ora 15:00, në dhomë këshillimi çështjen nr. 26-30/2018 (JR), datë 24.02.2023, që i përket kërkesës së paraqitur nga z. Ahmet Jangulli për rishikimin e vendimit gjyqësor nr. 30 (JR), datë 18.11.2019 të Kolegjit të Posaçëm të Apelimit.

Në bazë të nenit 448 të Kodit të Procedurës Civile, trupi gjykues vendosi bashkimin e dy kërkesave për rishikim të vendimit nr. 30, datë 18.11.2019 të Kolegjit të Posaçëm të Apelimit, përkatësisht kërkesën me nr. 270 prot., datë 24.02.2023 dhe kërkesën me nr. 47/4 prot., datë 18.12.2024, për t’i gjykuar në një proces të vetëm, në kuadër të çështjes (JR) 26-38/2018, datë 24.02.2023.

Trupi gjykues vendosi të shtyjë seancën gjyqësore për në datën 15.05.2025, ora 09:30, për t’i komunikuar subjektit të rivlerësimit këtë vendim.

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Kolegji i Posaçëm i Apelimit zhvilloi më datë 05.05.2025, ora 12:30, seancën gjyqësore publike të çështjes (JR) 25/2024, datë 03.07.2024, që i përket ankimit të Komisionerit Publik kundër vendimit të Komisionit të Pavarur të Kualifikimit, nr. 760, datë 26.04.2024, që lidhet me subjektin e rivlerësimit Ardiana Bera.

Kryesuesja e trupit gjykues bëri me dije se në periudhën kohore mes seancës së mëparshme të datës 09.04.2025 dhe seancës së sotme, konkretisht më datë 30.04.2025, subjekti i rivlerësimit, znj. Ardiana Bera, ka dërguar në Kolegj disa akte të reja që lidhen me të ardhurat e vëllait të saj nga punësimi në Angli dhe një kërkesë për riçelje të hetimit, me qëllim administrimin e tyre.

Përfaqësuesi i Prokurorisë së Posaçme z, Adnan Xholi, pasi konfirmoi njohjen me to, paraqiti qëndrimin e tij për pranimin e kërkesës së subjektit të rivlerësimit për riçelje të hetimit dhe pranimin si provë të akteve të depozituara që sipas tij, janë në formën e kërkuar nga ligji.

Pasi u konsultua, trupi gjykues vendosi riçelje të hetimit gjyqësor dhe pranimin në cilësinë e provës të akteve të reja.

Pasi mbylli hetimin gjyqësor, trupi gjykues ftoi palët të paraqisnin konkluzionet përfundimtare.

Përfaqësuesi i Prokurorisë së Posaçme deklaroi se edhe pas provave të reja, subjekti i rivlerësimit nuk arriti të provojë të kundërtën e ankimit për kriterin e vlerësimit të pasurisë, ndërsa, sa i përket vlerësimit të aftësive profesionale deklaroi se mënyra e trajtimit të një çështjeje gjyqësore nga subjekti i rivlerësimit gjatë ushtrimit të detyrës dhe mangësitë e njohurive ligjore afektojnë besimin e publikut në sistemin e drejtësisë. Përfundimisht, përfaqësuesi i Prokurorisë së Posaçme i kërkoi Kolegjit ndryshimin e vendimit të Komisionit të Pavarur të Kualifikimit, nr. 760, datë 26.04.2024 dhe shkarkimin nga detyra të subjektit të subjektit të rivlerësimit Ardiana Bera.

Përfaqësuesja ligjore e subjektit të rivlerësimit deklaroi se përfaqësuesi i Prokurorisë së Posaçme, gjatë paraqitjes së konkluzioneve përfundimtare, solli argumente shtesë, duke devijuar nga qëndrimi i mëparshëm për të dyja kriteret e vlerësimit, të pasurisë dhe atë profesional.  Përfaqësuesja ligjore kërkoi kohë shtesë për të ristrukturuar qëndrimin, kërkesë që nuk u pranua nga trupi gjykues, me arsyetimin se çdonjëra nga palët mund të paraqesë qëndrim të pakushtëzuar nga qëndrimi i palës tjetër.

Duke vijuar me konkluzionet përfundimtare, përfaqësuesja ligjore e subjektit të rivlerësimit i kërkoi Kolegjit mospranimin e ankimit, pasi është bërë mbi një vlerësim subjektiv, si dhe është i pabazuar në prova dhe ligj. Përfaqësuesja ligjore u shpreh se provat e reja të sjella gjatë procesit në Kolegj provojnë se subjekti i rivlerësimit arrin nivel të besueshëm në kriterin e pasurisë, ndërkohë që sipas saj, çështja e marrë si referencë në kuadër të vlerësimit profesional, nuk përmban rrethana konkrete, faktike apo gabime që mund të ndikonin për një vlerësim negativ në këtë kriter, aq më pak cenimin e besimit tek sistemi i drejtësisë. Përfundimisht, subjekti i rivlerësimit i kërkoi Kolegjit lënien në fuqi të vendimit të Komisionit të Pavarur të Kualifikimit, nr. 760, datë 26.04.2024.

Pasi dëgjoi konkluzionet përfundimtare të palëve, trupi gjykues vendosi mbylljen e shqytimit gjyqësor të çështjes dhe u tërhoq në dhomë këshillimi për marrjen e vendimit përfundimtar, të cilin do ta shpallë më datë 20.05.2025, në orën 13:00.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

Ditën e martë, më datë 27.05.2025, ora 10:00, do të gjykohet në dhomë këshillimi çështja (JR) nr. 38/2022, datë 06.09.2022, që i përket ankimit të subjektit të rivlerësimit Altin Abdiu kundër vendimit të Komisionit të Pavarur të Kualifikimit nr. 543, datë 28.06.2022.

Trupi gjykues për gjykimin e kësaj çështjeje përbëhet nga gjyqtarët:

Kryesuese: Ina Rama

Relator: Sokol Çomo

Anëtarë: Albana Shtylla, Natasha Mulaj, Rezarta Schuetz

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

Ditën e mërkurë, më datë 28.05.2025, ora 10:00, do të gjykohet në dhomë këshillimi çështja (JR) nr. 48/2022, datë 17.11.2022, që i përket ankimit të subjektit të rivlerësimit Emiljano Ruli kundër vendimit të Komisionit të Pavarur të Kualifikimit nr. 557, datë 29.07.2022.

Trupi gjykues për gjykimin e kësaj çështjeje përbëhet nga gjyqtarët:

Kryesuese: Rezarta Schuetz

Relatore: Albana Shtylla

Anëtarë: Natasha Mulaj, Mimoza Tasi, Sokol Çomo

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

Ditën e enjte, më datë 29.05.2025, ora 10:00, do të gjykohet në seancë publike çështja (JR) nr. 39/2022, datë 07.09.2022, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 538, datë 07.06.2022, që lidhet me subjektin e rivlerësimit Elona Alvora.

Trupi gjykues për gjykimin e kësaj çështjeje përbëhet nga gjyqtarët:

Kryesuese: Ina Rama

Relatore: Rezarta Schuetz

Anëtarë: Albana Shtylla, Mimoza Tasi, Sokol Çomo

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.