Calendar

Kolegji i Posaçëm i Apelimit zhvilloi më datë 04.03.2022, ora 10:00, seancën gjyqësore publike të çështjes (JR) 62/2019, datë 12.12.2019 që i përket ankimit të subjektit të rivlerësimit Dhurata Haveri kundër vendimit të Komisionit të Pavarur të Kualifikimit nr. 197, datë 27.09.2019.

Bazuar në nenin 45 të ligjit nr.84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, trupi gjykues vendosi të pranojë në cilësinë e provës aktet shkresore të paraqitura nga dëshmitari në seancën paraardhëse.

Kryesuesi i seancës bëri me dije se bazuar në nenin 49, paragrafi i dhjetë, i ligjit nr.84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, vëzhguesja ndërkombëtare e Operacionit Ndërkombëtar të Monitorimit kishte depozituar në Kolegjin e Posaçëm të Apelimit një gjetje, që ishte bërë pjesë e fashikullit të çështjes, i ishte përcjellë subjektit të rivlerësimit, znj. Dhurata Haveri dhe për të cilën, përfaqësuesja e saj ligjore mbajti qëndrim gjatë seancës së sotme.

Bazuar në nenin 47, të ligjit nr. 49/2012 “Për gjykatat administrative dhe gjykimin e mosmarrëveshjeve administrative” të ndryshuar, si dhe në nenin 49, pika 6, germat, “a”, “b”, “d” të ligjit nr.84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, trupi gjykues vendosi të mos pranojë kërkesën e përfaqësueses ligjore për të pranuar në cilësinë e provës aktet e depozituara në tërësi në Kolegjin e Posaçëm të Apelimit prej periudhës tetor – dhjetor 2021.

Pasi subjekti i rivlerësimit deklaroi se nuk kishte kërkesa të tjera shtesë, trupi gjykues vendosi mbylljen e hetimit gjyqësor të çështjes, duke ftuar subjektin e rivlerësimit të paraqesë konkluzionet përfundimtare.

Subjekti i rivlerësimit, përfundimisht, i kërkoi Kolegjit prishjen e vendimit të Komisionit të Pavarur të Kualifikimit nr. 197, datë 27.09.2019 dhe vijimin e procesit të rivlerësimit edhe për dy kriteret e tjera, atë të vlerësimit të figurës dhe të profesionalizimit; ose në mënyrë alternative, ndryshimin e vendimit të Komisionit të Pavarur të Kualifikimit nr. 197, datë 27.09.2019 dhe konfirmimin në detyrë të subjektit të rivlerësimit znj. Dhurata Haveri.

Pasi dëgjoi kërkimin përfundimtar të subjektit të rivlerësimit, trupi gjykues vendosi të tërhiqet për marrjen e vendimit përfundimtar, të cilin do ta shpallë më datë 15.03.2022, ora 9:00.

Seanca gjyqësore publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Trupi gjykues i Kolegjit të Posaçëm të Apelimit, i përbërë nga Sokol Çomo kryesues, Albana Shtylla relatore, Mimoza Tasi, Natasha Mulaj, Rezarta Schuetz anëtarë, shpalli vendimin për çështjen (JR) nr.62/2019, datë 12.12.2019, që lidhet me ankimin e subjektit të rivlerësimit Dhurata Haveri kundër vendimit të Komisionit të Pavarur të Kualifikimit nr. 197, datë 27.09.2019.

Në përfundim të gjykimit, trupi gjykues, bazuar në nenin 66, pika 1, shkronja “a” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

1. Lënien në fuqi të vendimit të Komisionit të Pavarur të Kualifikimit nr. 197, datë 27.09.2019, që i përket subjektit të rivlerësimit Dhurata Haveri.

2. Ky vendim është përfundimtar dhe ka efekt të menjëhershëm.

U shpall sot, në Tiranë, më datë 15.03.2022.

Kolegji i Posaçëm i Apelimit zhvilloi sot, më datë 15.03.2022, ora 10:00, seancën plenare publike të çështjes (JD) 3/2021, datë 30.04.2021, me ankues Bujar Memia, kundër vendimit nr.81, datë 31.03.2021 të Këshillit të Lartë të Prokurorisë “Për caktimin e masës disiplinore ndaj prokurorit Bujar Memia” dhe me subjekte të interesuar, Inspektoratin e Lartë të Drejtësisë (ILD) dhe Këshillin e Lartë të Prokurorisë (KLP).

Ankuesi paraqiti dy kërkesa paraprake drejtuar Kolegjit:

• konstatimin e pavlefshmërisë absolute të pjesshme të vendimit të Kolegjit të Shqyrtimit Paraprak nr.3, datë 9.11. 2021 për njoftimin e gjykimit në seancë plenare publike, sa i përket përbërjes së trupit gjykues, të çështjes së Juridiksionit Disiplinor me nr. 3/2021, pranë Kolegjit të Posaçëm të Apelimit.
• pezullimin e gjykimit deri në ushtrimin e kontrollit të kushtetutshmërisë pranë Gjykatës Kushtetuese të togfjalëshit “për organizimin dhe funksionimin e Gjykatës Kushtetuese”, të parashikuar në nenin 5, pika 3 të ligjit 84/2016 dhe nenin 6, pika 4 dhe nenin 104 të ligjit 115/2016 “Për organet e qeverisjes së sistemit të drejtësisë”.

Pasi subjektet e interesuara argumentuan qëndrimin e tyre për rrëzimin e kërkesave të paraqitura nga ankuesi, trupi gjykues, i konsultuar, vendosi: rrëzimin e kërkesës së parë, bazuar në nenet 133, 148/d pika 3 dhe 179/7 të Kushtetutës së Republikës së Shqipërisë, nenin 5, pika 3, shkronja “b” të ligjit 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë, nenin 71, pika 3, të ligjit 8577/2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar.

Sa i përket kërkesës së dytë, Kolegji çmoi se nuk gjendet në kushtet e nenit 145, pika 2, të Kushtetutës së Republikës së Shqipërisë si dhe në asnjë nga rastet e përcaktuara në nenin 297, të Kodit të Procedurës Civile, ndaj, vendosi gjithashtu, rrëzimin e saj.

Pasi u hap shqyrtimi gjyqësor i çështjes dhe gjyqtarja relatore paraqiti në mënyrë të përmbledhur ankimin e z. Bujar Memia, përfaqësuesi i tij ligjor paraqiti në mënyrë të detajuar kundërshtitë ndaj vendimit nr.81, datë 31.03.2021 të Këshillit të Lartë të Prokurorisë “Për caktimin e masës disiplinore ndaj prokurorit Bujar Memia”, si në aspektin procedural, ashtu edhe sa i përket themelit të çështjeve, mbi të cilat ky vendim është bazuar.

Për shkak të kohëzgjatjes së seancës, trupi gjykues vendosi ndërprerjen e saj, për ta vijuar më datë 07.04.2022, ora 9:00, me paraqitjen e parashtrimeve nga ankuesi Bujar Memia dhe nga subjektet e interesuara në këtë gjykim.

Seanca plenare publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Kolegji i Posaçëm i Apelimit zhvilloi sot, më datë 16.03.2022, ora 09:00, seancën gjyqësore publike të çështjes (JR) 59/2019, datë 13.11.2019 që i përket ankimit të subjektit të rivlerësimit Hysen Keta kundër vendimit të Komisionit të Pavarur të Kualifikimit nr. 189, datë 25.07.2019.

Përfaqësuesi ligjor i subjektit të rivlerësimit mbajti qëndrimin e tij lidhur me opinionin (mendimin me shkrim) të depozituar nga vëzhguesja ndërkombëtare e Operacionit Ndërkombëtar të Monitorimit në funksion të shqyrtimit të çështjes.

Pasi mbylli hetimin gjyqësor të çështjes dhe pasi subjekti i rivlerësimit deklaroi se i qëndron kërkimit përfundimtar të paraqitur në seancën e datës 26.01.2022, trupi gjykues vendosi të tërhiqet për marrjen e vendimit përfundimtar, të cilin do ta shpallë ditën e nesërme, më datë 17.03.2022, ora 15:30.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Ditën e enjte, më datë 28.04.2022, ora 10:00, do të gjykohet në seancë gjyqësore publike çështja (JR) nr.14/2021, datë 30.03.2021 që i përket ankimit të Komisionerit Publik kundër vendimit të Komisionit të Pavarur të Kualifikimit nr. 325, datë 14.12.2020, që lidhet me subjektin e rivlerësimit Rilinda Selimi.

Trupi gjykues për gjykimin e kësaj çështjeje përbëhet nga:

Kryesues: Sokol Çomo

Relatore: Rezarta Schuetz

Anëtarë: Albana Shtylla, Mimoza Tasi, Natasha Mulaj

Seanca gjyqësore publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3, Tiranë.

Ditën e mërkurë, 13.04.2022, ora 10:00, do të gjykohet në dhomë këshillimi çështja (JR) nr. 13/2022, datë 24.02.2022 që i përket ankimit të subjektit të rivlerësimit Petrit Bica kundër vendimit të Komisionit të Pavarur të Kualifikimit nr. 506, datë 31.01.2022.

Trupi gjykues për gjykimin e kësaj çështjeje përbëhet nga:

Kryesuese: Mimoza Tasi

Relatore: Albana Shtylla

Anëtarë: Ina Rama, Natasha Mulaj, Sokol Çomo

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Kolegji i Posaçëm i Apelimit zhvilloi sot, më datë 17.03.2022, ora 09:00, seancën gjyqësore publike të çështjes (JR) 20/2020, datë 17.06.2020 që i përket ankimit të subjektit të rivlerësimit Fatri Islamaj kundër vendimit të Komisionit të Pavarur të Kualifikimit nr. 220, datë 10.12.2019.

Subjekti i rivlerësimit, z. Fatri Islamaj, u dëgjua nga trupi gjykues teksa paraqiti kundërshtimet ndaj vendimit nr. 220, datë 10.12.2019, duke i kërkuar Kolegjit të pranojë në cilësinë e provës aktet e depozituara prej tij, krahas dhe pas ankimit, në mbështetje të pretendimeve të ngritura gjatë seancës së sotme lidhur me kriterin e pasurisë.

Pas disa pyetjeve sqaruese të relatores në funksion të shqyrtimit të çështjes dhe pasi u tërhoq për konsultim, trupi gjykues, me shumicë votash, vendosi të pranojë në cilësinë e provës aktet në tërësi të depozituara nga subjekti i rivlerësimit.

Pasi subjekti i rivlerësimit deklaroi se nuk kishte kërkesa të tjera procedurale dhe pasi trupi gjykues vendosi mbylljen e hetimit gjyqësor, subjekti i rivlerësimit paraqiti kërkimin përfundimtar lidhur me çështjen: ndryshimin e vendimit të Komisionit të Pavarur të Kualifikimit nr. 220, datë 10.12.2019 dhe konfirmimin e tij në detyrë.

Trupi gjykues vendosi të tërhiqet për marrjen e vendimit përfundimtar, të cilin do ta shpallë më datë 31 mars 2022, ora 9:30.

Seanca gjyqësore publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Ditën e mërkurë, 20.04.2022, ora 10:00, do të gjykohet në dhomë këshillimi çështja (JR) nr. 11/2020, datë 18.02.2020 që i përket ankimit të subjektit të rivlerësimit Marjana Velçani kundër vendimit të Komisionit të Pavarur të Kualifikimit nr. 222, datë 12.12.2020.

Trupi gjykues për gjykimin e kësaj çështjeje përbëhet nga:

Kryesuese: Rezarta Schuetz

Relatore: Albana Shtylla

Anëtarë: Ina Rama, Mimoza Tasi, Sokol Çomo

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

***********************************************************

Ditën e martë, më datë 26.04.2022, ora 10:00, do të gjykohet në seancë gjyqësore publike çështja (JR) nr.22/2020, datë 26.06.2020 që i përket ankimit të Komisionerit Publik kundër vendimit të Komisionit të Pavarur të Kualifikimit nr. 229, datë 28.01.2020, që lidhet me subjektin e rivlerësimit Dritan Banushi.

Trupi gjykues për gjykimin e kësaj çështjeje përbëhet nga:

Kryesuese: Natasha Mulaj

Relatore: Albana Shtylla

Anëtarë: Mimoza Tasi, Rezarta Schuetz, Sokol Çomo

Seanca gjyqësore publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3, Tiranë.

**********************************************************************************

Në Kolegjin e Posaçëm të Apelimit është regjistruar çështja (JR) nr. 14/2022, datë 09.03.2022 që i përket ankimit të subjektit të rivlerësimit Ermira Dedja kundër vendimit nr. 496, datë 12.01.2022 të Komisionit të Pavarur të Kualifikimit.

Sot, në datën 17.03.2022, në Kolegjin e Posaçëm të Apelimit u hodh shorti për caktimin e trupit gjykues, kryesuesin e këtij trupi dhe relatorin e çështjes.

Trupi gjykues i caktuar me short është i përbërë si më poshtë vijon:

Kryesues:Sokol Çomo

Relatore:Rezarta Schuetz

Anëtarë:Natasha Mulaj, Ina Rama, Albana Shtylla

Trupi gjykues i Kolegjit të Posaçëm të Apelimit, i përbërë nga Sokol Çomo kryesues, Rezarta Schuetz relatore, Albana Shtylla, Ina Rama, Natasha Mulaj anëtarë, shpalli vendimin për çështjen (JR) nr.59/2019, datë 13.11.2019, që lidhet me ankimin e subjektit të rivlerësimit Hysen Keta  kundër vendimit të Komisionit të Pavarur të Kualifikimit nr. 189, datë 25.07.2019.

Në përfundim të gjykimit, trupi gjykues, bazuar në nenin 66, pika 1, germa “b” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, me shumicë votash, vendosi:

1. Ndryshimin e vendimit të Komisionit të Pavarur të Kualifikimit nr. 189, datë 25.07.2019, që i përket subjektit të rivlerësimit Hysen Keta dhe konfirmimin e tij në detyrën e prokurorit në Prokurorinë pranë Gjykatës së Rrethit Gjyqësor Përmet.

1. Ky vendim është përfundimtar dhe ka efekt të menjëhershëm.

U shpall sot, në Tiranë, më datë 17.03.2022.

Ditën e mërkurë, më datë 13.04.2022, ora 11:00, do të gjykohet në seancë gjyqësore publike çështja (JR) nr.58/2021, datë 11.10.2021 që i përket ankimit të Komisionerit Publik kundër vendimit të Komisionit të Pavarur të Kualifikimit nr. 410, datë 30.06.2021, që lidhet me subjektin e rivlerësimit Atalanta Zeqiraj.

Trupi gjykues për gjykimin e kësaj çështjeje përbëhet nga:

Kryesues: Sokol Çomo

Relatore: Rezarta Schuetz

Anëtarë: Albana Shtylla, Ina Rama, Mimoza Tasi

Seanca gjyqësore publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3, Tiranë.