Kolegji i Posaçëm i Apelimit zhvilloi më datë 09.07.2025, ora 09:00, seancën gjyqësore publike të çështjes (JR) 39/2022, datë 07.09.2022, që i përket ankimit të Komisionerit Publik kundër vendimit të Komisionit të Pavarur të Kualifikimit, nr. 538, datë 07.06.2022, që lidhet me subjektin e rivlerësimit Elona Alvora.

Gjatë paraqitjes së konkluzioneve përfundimtare përfaqësuesi i Drejtuesit të Prokurorisë së Posaçme z. Adnan Xholi deklaroi se evidentohen mangësi në vlerësimin e kriterit të aftësive profesionale, sipas indikatorëve të përcaktuar në nenin 73, pika 2 të ligjit 96/2016 “Për statusin e gjyqtarëve dhe prokurorëve në Republikën e Shqipërisë”, i ndryshuar, por këto mangësi nuk janë të tilla që të kenë cenuar veprimtarinë hetimore dhe mund të korrigjohen nga programi i trajnimit në Shkollën e Magjistraturës. Përfundimisht, përfaqësuesi i Drejtuesit të Prokurorisë së Posaçme i kërkoi Kolegjit ndryshimin e vendimit të Komisionit të Pavarur të Kualifikimit, nr. 538, datë 07.06.2022, pezullimin nga detyra të subjektit të rivlerësimit znj. Elona Alvora dhe detyrimin për të ndjekur programin e trajnimit të ofruar nga Shkolla e Magjistraturës.

Subjekti i rivlerësimit, znj. Elona Alvora paraqiti në mënyrë të përmbledhur shpjegimet e saj lidhur me rrethanat e çështjeve penale të përfshira në ankim dhe përsëriti kërkesën drejtuar Kolegjit për të mos pranuar ankimin lidhur me dy çështjet e transferuara pranë Inspektorit të Lartë të Drejtësisë. Znj. Elona Alvora deklaroi se lidhur me çështjet e tjera, ka pasur aftësinë të ndërmarrë veprime hetimore të logjikshme, në zbatim të ligjit procedural dhe se mangësitë e vërejtura nuk janë të tilla që të kenë shenjuar problematika në veprimtarinë hetimore. Përfundimisht, subjekti i rivlerësimit kërkoi lënien në fuqi të vendimit të Komisionit të Pavarur të Kualifikimit, nr. 538, datë 07.06.2022, që e ka konfirmuar atë në detyrë.

Pasi dëgjoi konkluzionet përfundimtare të palëve, trupi gjykues vendosi mbylljen e shqyrtimit gjyqësor të çështjes dhe u tërhoq në dhomë këshillimi për marrjen e vendimit përfundimtar, të cilin do ta shpallë më datë 16.07.2025, ora 15:00.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

Kolegji i Posaçëm i Apelimit zhvilloi më datë 11.07.2025, ora 09:00, seancën gjyqësore publike të çështjes (JR) 7/2023, datë 14.02.2023, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 605, datë 21.12.2022, për subjektin e rivlerësimit Armida Hamiti (Moçka).

Gjatë paraqitjes së konkluzioneve përfundimtare, z. Adnan Xholi, i autorizuar si përfaqësues i Drejtuesit të Prokurorisë së  Posaçme në këtë seancë, deklaroi se pas shqyrtimit të çështjes në Kolegj, bazuar në gjendjen që janë aktet, rezulton se problematikat e evidentuara në kriterin e vlerësimit të pasurisë, nuk janë të tilla që të mund të justifikonin sanksionin e shkarkimit nga detyra të subjektit të rivlerësimit, ndërkohë që nuk vërehet asnjë indicie apo dyshimi lidhur me dy kriteret e tjera, profesionalizmin dhe figurën. Z. Xholi deklaroi se, nisur nga sa më sipër, por edhe për shkak të specifikave të këtij rasti, ku rezulton se subjekti i rivlerësimit nuk ka qenë në detyrën e prokurores apo në ndonjë funksion tjetër publik në kohën e krijimi të pasurive të deklaruara dhe nuk ka patur mundësi të ndikojë nëpërmjet abuzimit me detyrën në krijimin e tyre, përfundimisht, i kërkon Kolegjit lënien në fuqi të vendimit të Komisionit të Pavarur të Kualifikimit nr. 605, datë 21.12.2022.

Subjekti i rivlerësimit vijoi me konkluzionet përfundimtare, duke deklaruar se ka arritur të përmbysë barrën e provës si dhe të provojë bindshëm ligjshmërinë e burimit të krijimit të pasurisë. Përfundimisht, subjekti i rivlerësimit i kërkoi Kolegjit mospranimin e ankimit dhe lënien në fuqi të vendimit të Komisionit të Pavarur të Kualifikimit nr. 605, datë 21.12.2022.

Në vijim, vëzhguesja e Operacionit Ndërkombëtar të Monitorimit pyeti përfaqësuesin e Drejtuesit të Prokurorisë së Posaçme lidhur me sqarimin rreth kërkimit përfundimtar. Në përgjigje të pyetjes, z. Xholi sqaroi kërkimin përfundimtar të Drejtuesit të Prokurorisë së Posaçme, duke konfirmuar se vendimi i Komisionit të Pavarur të Kualifikimit rezultoi i drejtë dhe i bazuar në prova dhe në ligj.

Trupi gjykues vendosi mbylljen e shqyrtimit gjyqësor të çështjes dhe u tërhoq në dhomë këshillimi për marrjen e vendimit përfundimtar, të cilin do ta shpallë më datë 17.07.2025, ora 09:30.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

The Appeal Chamber held on 09.07.2025, at 14:00, the public hearing of case (JR) 8/2023, dated 24.02.2023, pertaining to the appeal of the Public Commissioner against decision no. 600, dated 19.12.2022 of the Independent Qualification Commission, related to the assessee Robert Kote.

Following the previous hearing held on 03.07.2025, the representative of the Head of the Special Prosecution Office, Mr. Klodian Braho, questioned by the trial panel whether he, as the appellant, has withdrawn his appeal based on the procedural provisions, clarified his final request.

He stated that the final request is not to waive from the appeal, but that the trial panels considers the appeal grounds, that the objections and evidence administered during the proceedings be taken into consideration and tried by it, in order that the control of the IQC decision by the Chamber is not made impossible. Finally, the representative of the Head of the Special Prosecution Office requested the upholding of decision no. 600, dated 19.12.2022 of the Independent Qualification Commission and confirmation in office of the assessee, considering it a fair resolution of the case.

After hearing the final request of the appellant, the trial panel decided to close the judicial review of the case and withdrew in chambers to make the final decision, which it shall announce on 18.07.2025, at 09:00.

The public hearing shall take place at the premises of the Appeal Chamber, at Boulevard “Dëshmorët e Kombit”, no. 3, Tirana.

Kolegji i Posaçëm i Apelimit zhvilloi sot, më datë 09.07.2025, ora 14:00, seancën gjyqësore publike të çështjes (JR) 8/2023, datë 24.02.2023 që i përket ankimit të Komisionerit Publik kundër vendimit të Komisionit të Pavarur të Kualifikimit nr. 600, datë 19.12.2022, që lidhet me subjektin e rivlerësimit Robert Kote.

Në vijim të seancës së mëparshme, të zhvilluar më datë 03.07.2025, përfaqësuesi i Drejtuesit të Prokurorisë së Posaçme z. Klodian Braho, i pyetur nga trupi gjykues nëse si ankues ka hequr dorë nga ankimi bazuar në dispozitat procedurale, qartësoi kërkimin e tij përfundimtar.

Ai deklaroi se kërkimi përfundimtar nuk është heqja dorë nga ankimi, por, që shkaqet e ankimit të merren në shqyrtim nga Kolegji, që prapësimet dhe provat e administruara gjatë procesit të merren në konsideratë dhe të gjykohen prej tij, në mënyrë që të mospamundësohet kontrolli i vendimit të Komisionit nga ana e Kolegjit. Përfundimisht, përfaqësuesi i Drejtuesit të Prokurorisë së Posaçme kërkoi lënien në fuqi të vendimit të Komisionit të Pavarur të Kualifikimit nr. 600, datë 19.12.2022 dhe konfirmimin në detyrë të subjektit të rivlerësimit, duke e vlerësuar një zgjidhje të drejtë të çështjes.

Pasi dëgjoi kërkimin përfundimtar të ankuesit, trupi gjykues vendosi mbylljen e shqyrtimit gjyqësor të çështjes dhe u tërhoq në dhomë këshillimi për marrjen e vendimit përfundimtar, të cilin do ta shpallë më datë 18.07.2025, ora 09:00.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Kolegji i Posaçëm i Apelimit zhvilloi më datë 09.07.2025, ora 11:00, seancën gjyqësore publike të çështjes (JR) 56/2024, datë 27.12.2024, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 811, datë 08.11.2024, që lidhet me subjektin e rivlerësimit Eranda Laze.

Fillimisht, përfaqësuesi i Drejtuesit të Prokurorisë së Posaçme iu përgjigj pyetjeve që relatori i çështjes i pati drejtuar në seancën e mëparshme, të datës 25.06.2025, në funksion të shqyrtimit të çështjes.

Në vijim, subjekti i rivlerësimit kërkoi të pranohet në cilësinë e provës një dokument i lëshuar nga Prokuroria pranë Gjykatës së Shkallës së Parë të Juridiksionit të Përgjithshëm Vlorë, i cili u refuzua nga trupi gjykues në seancën e datës 25.06.2025, duke i dhënë mundësi subjektit të rivlerësimit ta paraqiste në formën e kërkuar nga ligji, nëse e konsideronte të rëndësishme për çështjen. Trupi gjykues, pasi dëgjoi qëndrimin e përfaqësuesit të Drejtuesit të Prokurorisë së Posaçme, i cili shprehu dakordësinë që ky akt t’i nënshtrohej debatit gjyqësor, vendosi pranimin e kërkesës.

Pasi palët deklaruan se nuk kishin kërkesa të tjera, trupi gjykues vendosi mbylljen e hetimit gjyqësor dhe i ftoi ato të paraqisnin konkluzionet e tyre përfundimtare për çështjen.

Përfaqësuesi i Drejtuesit të Prokurorisë së Posaçme deklaroi se i qëndron shkaqeve të ankimit dhe se subjekti i rivlerësimit, znj. Eranda Laze, gjendet në kushtet e deklarimit të pasaktë e të pamjaftueshëm të pasurisë si dhe ka mungesë të burimeve të ligjshme për të justifikuar pasurinë e saj dhe të personave të lidhur me të. Z. Adnan Xholi vlerësoi bindëse shpjegimet e subjektit të rivlerësimit lidhur me kriterin e vlerësimit të figurës, ndërsa përsëriti qëndrimin e tij se znj. Laze ka treguar mangësi në tregimin e një kujdesi të shtuar në veprimtarinë jashtëgjyqësore. Përfundimisht, përfaqësuesi i Drejtuesit të Prokurorisë së Posaçme i kërkoi Kolegjit ndryshimin e vendimit të Komisionit të Pavarur të Kualifikimit nr. 811, datë 08.11.2024 dhe shkarkimin nga detyra të subjektit të rivlerësimit Eranda Laze.

Subjekti i rivlerësimit deklaroi se Komisioneri Publik në ankimin e tij nuk ka arsyetuar konform ligjit dhe provave në dosje, se ky ankim ka karakter hipotetik e paragjykues dhe si i tillë, nuk mund të jetë shkak për marrjen e një vendimi shkarkimi nga detyra. Përfundimisht, subjekti i rivlerësimit i kërkoi Kolegjit të marrë në konsideratë të gjitha provat në dosje dhe pasi t’i vlerësojë ato, të vendosë rrëzimin e ankimit të Komisionerit Publik si të pabazuar në ligj, si dhe lënien në fuqi të vendimit të Komisionit të Pavarur të Kualifikimit nr. 811, datë 08.11.2024.

Pasi dëgjoi konklzuionet përfundimtare të palëve, trupi gjykues vendosi mbylljen e shqyrtimit gjyqësor dhe u tërhoq në dhomë këshillimi për marrjen e vendimit përfundimtar, të cilin do ta shpallë më datë 29.07.2025, ora 15:00.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

The Appeal Chamber held on 09.07.2025, at 11:00, the public hearing of case (JR) 56/2024, dated 27.12.2024, pertaining to the appeal of the Public Commissioner against decision no. 811, dated 08.11.2024 of the Independent Qualification Commission, related to the assessee Eranda Laze.

Initially, the representative of the Head of the Special Prosecution office responded to the questions that the case rapporteur had addressed in the previous hearing, dated 25.06.2025, in view of the examination of the case.

Subsequently, the assessee requested the admission as evidence of a document issued by the Prosecution office at the First Instance Court of General Jurisdiction of Vlora, which was dismissed by the trial panel in the hearing dated 25.06.2025, providing the assessee the opportunity to submit it in the form required by law, if she considered it relevant for her case. The trial panel, after hearing the position of the representative of the Head of the Special Prosecution office, who agreed to subject this document to judicial debate, decided to accept it.

Once the parties declared that they had no other requests, the trial panel decided to close the judicial investigation and invited them to submit their final conclusions on the case.

The representative of the Head of the Special Prosecution Office stated that he stands by the appeal grounds and that the assessee, Ms. Eranda Laze, is found in terms of inaccurate and insufficient declaration of assets and there is a lack of legitimate sources to justify her assets and those of the persons related to her. Mr. Adnan Xholi assessed convincing the explanations of the assessee regarding the background assessment criteria, while reiterating his position that Ms. Laze has shown deficiencies in displaying increased diligence in extrajudicial activity. Finally, the representative of the Head of the Special Prosecution Office requested the Chamber the amendment of decision no. 811, dated 08.11.2024 of the Independent Qualification Commission and the dismissal from office of the assessee Eranda Laze.

The assessee stated that the Public Commissioner failed to argue his appeal in accordance with the law and the evidence in the case file, that this appeal is hypothetical and prejudicial in nature and as such, cannot be a ground for issuing a decision to dismiss her from office. Finally, assessee requested the trial panel to take into consideration all the evidence in the case file and, after their evaluation, decides to dismiss the Public Commissioner’s appeal as unfounded in law, as well as the upholding of decision no. 811, dated 08.11.2024 of the Independent Qualification Commission.

After hearing the final conclusions of the parties, the trial panel decided to close the judicial review and withdrew in chambers to make the final decision, which it shall announce on 29.07.2025, at 15:00.

The public hearing shall take place at the premises of the Appeal Chamber, at Boulevard “Dëshmorët e Kombit”, no. 3, Tirana.