The Appeal Chamber held on 06.05.2025, at 10:00, the public hearing of case (JR) 24/2024, dated 01.07.2024, pertaining to the appeal of the Public Commissioner against decision no. 744, dated 19.03.2024 of the Independent Qualification Commission, related to the assessee Artan Hajredinaj.

The presiding judge informed that during the period between the previous hearing, dated 28.04.2025 and today’s hearing, two denunciations had been registered with the Chamber, already forwarded to the parties. In their regard, the representative of the Special Prosecution Office, Mr. Klodian Braho, stated that they are reiterations and do not contain any relevant data for the vetting process. The assessee also shared the same position.

During the submission of the final conclusions, the representative of the Special Prosecution Office stated that he stands by the appeal grounds for the asset assessment and that he partially stands by the appeal grounds for the proficiency assessment criterion. Mr. Klodian Braho stated that the assessee is found in terms of inaccurate and insufficient declaration and fails to justify his assets with legal sources. With regard to the proficiency assessment criterion, the representative of the Special Prosecution Office maintained that for three out of seven complaints, the assessee failed to prove the opposite of the complaints and that the cases’ circumstances remain the same. Meanwhile, for the two cases referred to by the law enforcement agencies and one case with a potential conflict of interest, the representative of the Special Prosecution Office assessed that no issues were found in the decision-making of the assessee. Finally, Mr. Klodian Braho requested the amendment of decision no. 744, dated 19.03.2024 of the Independent Qualification Commission and the dismissal from office of the assessee Artan Hajredinaj.

The legal representative of the assessee opposed the appeal, considering it unfair in relation to the investigated facts and unsupported by facts and law. The legal representative of the assessee requested the Chamber to take into account the fact that the inaccuracies in the declaration of assets and the cases addressed within the framework of the proficiency criteria in reference to the denunciations, based also on the principle of proportionality, contain no such elements that could affect the positive assessment of the assessee and his confirmation in office. The legal representative finally requested the Appeal Chamber the upholding of decision no. 744, dated 19.03.2024, which confirmed in office the assessee Artan Hajredinaj.

After hearing the final conclusions of the parties, the trial panel withdrew in chambers to make the final decision, which it will announce on 14.05.2025, at 15:00.

The public hearing shall take place at the premises of the Appeal Chamber, at Boulevard “Dëshmorët e Kombit”, no. 3, Tirana.

Kolegji i Posaçëm i Apelimit zhvilloi më datë 06.05.2025, ora 10:00, seancën gjyqësore publike të çështjes (JR) 24/2024, datë 01.07.2024, që i përket ankimit të Komisionerit Publik kundër vendimit të Komisionit të Pavarur të Kualifikimit, nr. 744, datë 19.03.2024, që lidhet me subjektin e rivlerësimit Artan Hajredinaj.

Kryesuesja e seancës gjyqësore informoi se gjatë periudhës kohore mes seancës së mëparshme, të zhvilluar më datë 28.04.2025 dhe seancës së sotme, kishin mbërritur në Kolegj dy denoncime, të cilët u ishin përcjellë palëve. Lidhur me to, përfaqësuesi i Prokurorisë së Posaçme z. Klodian Braho deklaroi se janë të përsëritura dhe nuk mbajnë të dhëna me rëndësi për procesin e rivlerësimit. Të njëjtin qëndrim ndau edhe subjekti i rivlerësimit.

Gjatë paraqitjes së konkluzioneve përfundimtare, përfaqësuesi i Prokurorisë së Posaçme deklaroi se i qëndron shkaqeve të ankimit për kriterin e pasurisë dhe se i qëndron në mënyrë të pjesshme shkaqeve të ankimit për kriterin e vlerësimit të aftësive profesionale. Z. Klodian Braho u shpreh se subjekti i rivlerësimit gjendet në kushtet e deklarimit të pasaktë e të pamjaftueshëm dhe nuk justifikon me burime të ligjshme pasurinë e tij. Sa i përket kriterit të vlerësimit të aftësive profesionale, përfaqësuesi i Prokurorisë së Posaçme deklaroi se për tri nga shtatë denoncime, subjekti i rivlerësimit nuk arriti të provojë të kundërtën e ankimit dhe se rrethanat e rastit mbeten të njëjta. Ndërkohë, për dy çështjet e referuara nga organet ligjzbatuese dhe një cështje me konflikt të mundshëm interesi, nga përfaqësuesi i Prokurorisë së Posaçme u vlerësua se nuk konstatohen problematika në vendimmarrjen e subjektit të rivlerësimit. Përfundimisht, z. Klodian Braho kërkoi ndryshimin e vendimit të Komisionit të Pavarur të Kualifikimit, nr. 744, datë 19.03.2024 dhe shkarkimin nga detyra të subjektit të rivlerësimit Artan Hajredinaj.

Përfaqësuesja ligjore e subjektit të rivlerësimit kundërshtoi ankimin, duke e konsideruar atë të padrejtë në raport me faktet e hetuara dhe të pambështetur në fakte e në ligj. Përfaqësuesja ligjore e subjektit të rivlerësimit i kërkoi Kolegjit të mbajë në konsideratë faktin se pasaktësitë në deklarimin e pasurisë dhe rastet e trajtuara në kuadër të kriterit të vlerësimit të aftësive profesionale në referencë të denoncimeve, bazuar edhe në parimin e proporcionalitetit, nuk përmbajnë elementë të tillë që do të mund të afektonin vlerësimin pozitiv të subjektit dhe konfirmimin e tij në detyrë. Përfaqësuesja ligjore, përfundimisht, i kërkoi Kolegjit lënien në fuqi të vendimit nr. 744, datë 19.03.2024, që ka konfirmuar në detyrë subjektin e rivlerësimit Artan Hajredinaj.

Pasi dëgjoi konkluzionet përfundimtare të palëve, trupi gjykues u tërhoq në dhomë këshillimi për marrjen e vendimit përfundimtar, të cilin do ta shpallë më datë 14.05.2025, ora 15:00.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

Kolegji i Posaçëm i Apelimit zhvilloi më datë 05.05.2025, ora 12:30, seancën gjyqësore publike të çështjes (JR) 25/2024, datë 03.07.2024, që i përket ankimit të Komisionerit Publik kundër vendimit të Komisionit të Pavarur të Kualifikimit, nr. 760, datë 26.04.2024, që lidhet me subjektin e rivlerësimit Ardiana Bera.

Kryesuesja e trupit gjykues bëri me dije se në periudhën kohore mes seancës së mëparshme të datës 09.04.2025 dhe seancës së sotme, konkretisht më datë 30.04.2025, subjekti i rivlerësimit, znj. Ardiana Bera, ka dërguar në Kolegj disa akte të reja që lidhen me të ardhurat e vëllait të saj nga punësimi në Angli dhe një kërkesë për riçelje të hetimit, me qëllim administrimin e tyre.

Përfaqësuesi i Prokurorisë së Posaçme z, Adnan Xholi, pasi konfirmoi njohjen me to, paraqiti qëndrimin e tij për pranimin e kërkesës së subjektit të rivlerësimit për riçelje të hetimit dhe pranimin si provë të akteve të depozituara që sipas tij, janë në formën e kërkuar nga ligji.

Pasi u konsultua, trupi gjykues vendosi riçelje të hetimit gjyqësor dhe pranimin në cilësinë e provës të akteve të reja.

Pasi mbylli hetimin gjyqësor, trupi gjykues ftoi palët të paraqisnin konkluzionet përfundimtare.

Përfaqësuesi i Prokurorisë së Posaçme deklaroi se edhe pas provave të reja, subjekti i rivlerësimit nuk arriti të provojë të kundërtën e ankimit për kriterin e vlerësimit të pasurisë, ndërsa, sa i përket vlerësimit të aftësive profesionale deklaroi se mënyra e trajtimit të një çështjeje gjyqësore nga subjekti i rivlerësimit gjatë ushtrimit të detyrës dhe mangësitë e njohurive ligjore afektojnë besimin e publikut në sistemin e drejtësisë. Përfundimisht, përfaqësuesi i Prokurorisë së Posaçme i kërkoi Kolegjit ndryshimin e vendimit të Komisionit të Pavarur të Kualifikimit, nr. 760, datë 26.04.2024 dhe shkarkimin nga detyra të subjektit të subjektit të rivlerësimit Ardiana Bera.

Përfaqësuesja ligjore e subjektit të rivlerësimit deklaroi se përfaqësuesi i Prokurorisë së Posaçme, gjatë paraqitjes së konkluzioneve përfundimtare, solli argumente shtesë, duke devijuar nga qëndrimi i mëparshëm për të dyja kriteret e vlerësimit, të pasurisë dhe atë profesional.  Përfaqësuesja ligjore kërkoi kohë shtesë për të ristrukturuar qëndrimin, kërkesë që nuk u pranua nga trupi gjykues, me arsyetimin se çdonjëra nga palët mund të paraqesë qëndrim të pakushtëzuar nga qëndrimi i palës tjetër.

Duke vijuar me konkluzionet përfundimtare, përfaqësuesja ligjore e subjektit të rivlerësimit i kërkoi Kolegjit mospranimin e ankimit, pasi është bërë mbi një vlerësim subjektiv, si dhe është i pabazuar në prova dhe ligj. Përfaqësuesja ligjore u shpreh se provat e reja të sjella gjatë procesit në Kolegj provojnë se subjekti i rivlerësimit arrin nivel të besueshëm në kriterin e pasurisë, ndërkohë që sipas saj, çështja e marrë si referencë në kuadër të vlerësimit profesional, nuk përmban rrethana konkrete, faktike apo gabime që mund të ndikonin për një vlerësim negativ në këtë kriter, aq më pak cenimin e besimit tek sistemi i drejtësisë. Përfundimisht, subjekti i rivlerësimit i kërkoi Kolegjit lënien në fuqi të vendimit të Komisionit të Pavarur të Kualifikimit, nr. 760, datë 26.04.2024.

Pasi dëgjoi konkluzionet përfundimtare të palëve, trupi gjykues vendosi mbylljen e shqytimit gjyqësor të çështjes dhe u tërhoq në dhomë këshillimi për marrjen e vendimit përfundimtar, të cilin do ta shpallë më datë 20.05.2025, në orën 13:00.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.