Njoftim vendimi

Postuar në :

Njoftim vendimi

2023-10-06 All day

Kolegji i Posaçëm i Apelimit çeli sot, më datë 06.10.2023, ora 10:00, seancën gjyqësore publike për shpalljen e vendimit të çështjes (JR) 9/2021, datë 02.03.2021, që i përket ankimit të Komisionerit Publik kundër vendimit nr. 318, datë 03.12.2020, të Komisionit të Pavarur të Kualifikimit, që i përket subjektit të rivlerësimit Kujtim Luli.

Para shpalljes së vendimit, kryesuesja e seancës, në emër të trupit gjykues, relatoi si vijon:

Më datë 05.10.2023, Këshlli i Lartë i Prokurorisë ka përcjellë në Kolegj vendimin nr. 314, marrë më datë 05.10.2023, nëpërmjet të cilit, ka vendosur deklarimin e mbarimit të statusit të magjistratit për shkak të mbushjes së moshës së pensionit të pleqerisë për subjektin e rivleresimit Kujtim Luli. Në të njëjtën ditë, Kolegji mori kërkesën e subjektit të rivlerësimit për të ndërprerë procesin e rivlerësimit për të, për shkak se subjekti i rivleresimit nuk gëzon më statusin e magjistratit. 

Trupi gjykues i Kolegjit, në datën 3 tetor 2023, ka marrë vendimin për procesin e rivlerësimit për subjektin e rivlerësimit Kujtim Luli, vendim i cili, është caktuar të shpallet diten e sotme. Në këto kushte, kur vendimi i Këshillit të Lartë të Prokurorisë dhe kërkesa e subjektit të rivlerësimit kanë ardhur pasi trupi gjykues i Kolegjit kishte marrë vendimin, ato janë absolutisht të papranueshme, sepse janë paraqitur jashtë çdo afati procedural dhe pasi vendimi përfundimtar për procesin e rivlerësimit ishte marrë. 

Përpos sa më sipër, trupi gjykues, konstaton se vendimi i Këshillit të Lartë të Prokurorisë, nr. 314, datë 05.10.2023, ndonëse në pikën 4 të tij, parashikon që hyn në fuqi menjëherë, ai bie ndesh me ligjin nr. 115/2016, nenin 192, pika 1, i cili parashikon shprehimisht se, “ndaj aktit administrativ individual të Keshillit, mund të bëhet ankim brenda 15 ditëve nga data e njoftimit në Gjykatën Administrative të Apelit, përvecse kur parashikohet ndryshe në ligj.”. Me fjalë të tjera, vendimi i Këshillit të Lartë të Prokurorise nuk ka hyrë ende në fuqi. 

Ndonëse ky argument nuk është relevant për mosmarrjen në konsideratë të akteve të mësipërme, trupi gjykues i Kolegjit e vlerësoi të rendësishëm për ta sjellë në vëmendje të publikut. 

Në vijim, trupi gjykues shpalli vendimin e marrë në datën 3 tetor 2023, për çështjen (JR) 9/2021, datë 02.03.2021, që i përket subjektit të rivlerësimit Kujtim Luli:

Trupi gjykues i Kolegjit të Posaçëm të Apelimit, i përbërë nga Natasha Mulaj kryesuese, Sokol Çomo relator, Albana Shtylla, Ina Rama, Rezarta Schuetz anëtare, shpalli vendimin për çështjen (JR) nr. 9/2021, datë 02.03.2021 që i përket ankimit të Komisionerit Publik kundër vendimit të Komisionit të Pavarur të Kualifikimit nr. 318, datë 03.12.2020, që lidhet me subjektin e rivlerësimit Kujtim Luli.

Në përfundim të gjykimit, trupi gjykues, bazuar në nenin 66, pika 1, shkronja “b” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, me shumicë votash, vendosi:

  1. Ndryshimin e vendimit nr. 318, datë 03.12.2020, të Komisionit të Pavarur të Kualifikimit dhe shkarkimin nga detyra të subjektit të rivlerësimit Kujtim Luli.
  2. Ky vendim është përfundimtar dhe ka efekt të menjëhershëm.

U shpall sot, më datë 06.10.2023, në Tiranë.

Related upcoming events

  • Njoftim vendimi
    2025-12-15 All day

    Kolegji i Posaçëm i Apelimit zhvilloi më datë 25.11.2025, ora 11:00, seancën gjyqësore publike të çështjes (JR) 47/2023, datë 19.10.2023, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 689, datë 24.07.2023, që lidhet me subjektin e rivlerësimit Ervin Pollozhani.

    Gjatë paraqitjes së konkluzioneve përfundimtare, përfaqësuesi i Drejtuesit të Prokurorisë së Posaçme z. Klodjan Braho deklaroi se subjekti i rivlerësimit gjendet në kushtet e deklarimit të pasaktë e të pamjaftueshëm të pasurisë dhe se pretendimet e tij për të kundërtën e shkaqeve të ankimit mbeten në nivel deklarativ e të pambështetura në aktet në dosje. Përfaqësuesi i Drejtuesit të Prokurorisë së Posaçme i kërkoi përfundimisht Kolegjit ndryshimin e vendimit nr. 689, datë 24.07.2023 të Komisionit të Pavarur të Kualifikimit dhe shkarkimin nga detyra të subjektit të rivlerësimit Ervin Pollozhani.

    Subjekti i rivlerësimit kundërshoi shkaqet e ankimit dhe dokumentin “gjetje dhe mendim” të paraqitur nga vëzhguesi ndërkombëtar i Operacionit Ndërkombëtar të Monitorimit dhe i kërkoi përfundimisht Kolegjit lënien në fuqi të vendimit nr. 689, datë 24.07.2023 të Komisionit të Pavarur të Kualifikimit, sipas tij, i bazuar në ligj e në prova, i marrë pas një hetimi të plotë, shterues dhe argumentues.

    Pasi dëgjoi konkluzionet përfundimtare të palëve, trupi gjykues vendosi mbylljen e shqyrtimit gjyqësor të çështjes dhe u tërhoq në dhomë këshillimi për marrjen e vendimit përfundimtar, të cilin do ta shpallë më datë 15.12.2025, ora 15:00.

    Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

  • Decision day
    2025-12-15 All day

    The Appeal Chamber held on 25.11.2025, at 11:00, the public hearing of case (JR) 47/2023, dated 19.10.2023, pertaining to the appeal of the Public Commissioner against decision no. 689, dated 24.07.2023 of the Independent Qualification Commission, related to the assessee Ervin Pollozhani.

    During the submission of the final conclusions, the representative of the Head of the Special Prosecution Office, Mr. Klodjan Braho stated that the assessee is found in terms of incorrect and insufficient declaration of assets and that his claims to the contrary of the appeal grounds remain at a declarative level and unsupported by the acts of the case file. The representative of the Head of the Special Prosecution Office ultimately requested the Appeal Chamber the amendment of decision no. 689, dated 24.07.2023 of the Independent Qualification Commission and the dismissal from office of the assessee Ervin Pollozhani.

    The assessee disputed the appeal grounds and the document “findings and opinion” submitted by the International Observer of the International Monitoring Operation and finally requested the Chamber the upholding of decision no. 689, dated 24.07.2023 of the Independent Qualification Commission, which according to him, is supported on law and evidence, following a complete, exhaustive and argumentative investigation.

    After hearing the final conclusions of the parties, the trial panel decided to close the judicial review of the case and withdrew in chambers to make the final decision, which it shall announce on 15.12.2025, at 15:00.

    The public hearing shall take place at the premises of the Appeal Chamber, at Boulevard “Dëshmorët e Kombit”, no. 3, Tirana.