Kolegji i Posaçëm i Apelimit çeli më datë 17.07.2025, ora 09:30, seancën gjyqësore publike të çështjes (JR) 7/2023, datë 14.02.2023, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 605, datë 21.12.2022, për subjektin e rivlerësimit Armida Hamiti (Moçka).

Për arsye të mosformimit të trupit gjykues, për shkak të pamundësisë objektive të njërit prej gjyqtarëve për të qenë i pranishëm, kryesuesja deklaroi se shpallja e vendimit përfundimtar për këtë çështje, e planifikuar për seancën e sotme, do të shtyhet për në datën 22.07.2025, ora 9:30.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.