Njoftim vendimi

Postuar në :

Njoftim vendimi

2019-05-29 00:00 - 00:00

Trupi gjykues i Kolegjit të Posaçëm të Apelimit, i përbërë nga Albana Shtylla kryesuese, Luan Daci relator, Ardian Hajdari, Rezarta Schuetz, Sokol Çomo, anëtarë, shpalli sot vendimin për çështjen (JR) 20/2018, datë 17.10.2018, për ankimin e subjektit të rivlerësimit Rovena Gashi kundër vendimit të Komisionit të Pavarur të Kualifikimit nr. 48, datë 25.07.2018.

Në fillim të seancës gjyqësore, kryesuesja, gjyqtarja Albana Shtylla, për efekt transparence të publikut, bëri me dije se subjekti i rivlerësimit Rovena Gashi ka paraqitur një kërkesë me objekt përjashtimin e trupës gjykuese, kërkesë e cila është regjistruar në Kolegjin e Posaçëm të Apelimit me nr. prot. 753/37, datë 10.05.2019.

Kërkesa e paraqitur nga subjekti i rivlerësimit është depozituar pas mbylljes së shqyrtimit gjyqësor në seancën e datës 6 maj 2019, ndërkohë që trupi gjykues ishte tërhequr në dhomë këshillimi për bisedimet për vendimmarrjen. Kjo kërkesë është trajtuar nga 5 trupa gjykuese të shortuara në Kolegj, duke patur në konsideratë zbatimin e balancuar të parimit të paanësisë në gjykim, me atë të ushtrimit të funksionit nga Kolegji i Posaçëm i Apelimit si gjykatë, për shkak të numrit të kufizuar të gjyqtarëve të tij.

Gjithashtu, për shqyrtimin e kësaj kërkese të subjektit të rivlerësimit Rovena Gashi, Kolegji i Posaçëm i Apelimit, bazuar në nenin 75 të Kodit të Procedurës Civile, ka garantuar gjykimin e saj me 5 trupa gjykuese, në të cilat nuk ka qenë anëtar, gjyqtari për të cilin kërkohej përjashtimi.

Trupat gjykuese të shortuara për këtë kërkesë në Kolegj, me vendimet nr. 20/6, 20/11, 20/12, 20/13 dhe 20/14, të datës 27.05.2019, kanë vendosur rrëzimin e kërkesës së subjektit të rivlerësimit Rovena Gashi për përjashtimin e anëtarëve të trupës gjykuese që po shqyrton ankimin kundër vendimit nr 48, datë 25. 07. 2018 të Komisionit të Pavarur të Kualifikimit.

Bazuar në vendimet e mësipërme, trupi gjykues vijoi bisedimet për vendimmarrje për çështjen që i përket subjektit të rivlerësimit Rovena Gashi dhe mori vendimin si më poshtë:

Trupi gjykues çmon se, nga analiza financiare rezultoi se subjekti i rivlerësimit ka pasur mungesë të aftësive paguese me të ardhura nga burime financiare të ligjshme, siç është konkluduar në vendimin e Komisionit të Pavarur të Kualifikimit, situatë faktike që parashikohet në nenin D, pika 1 dhe 3 të Aneksit të Kushtetutës dhe në nenin 33, pika 5, germa “b” të ligjit nr.84/2016.

Për këto arsye, trupi gjykues, bazuar në nenin 66, pika 1, germa “a” e ligjit nr.84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, vendosi në mënyrë unanime:

1.Lënien në fuqi të vendimit nr.48, datë 25.07.2018 të Komisionit të Pavarur të Kualifikimit.

2.Ky vendim është përfundimtar dhe ka efekt të menjëhershëm.

U shpall sot, në Tiranë, më datë 29.05.2019.

Related upcoming events

  • Njoftim vendimi
    2025-11-25 All day

    Kolegji i Posaçëm i Apelimit zhvilloi më datë 13.11.2025, ora 09:00, seancën gjyqësore publike të çështjes (JR) 53/2023, datë 09.11.2023, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 702, datë 27.09.2023, që lidhet me subjektin e rivlerësimit Agron Bushati.

    Gjatë paraqitjes së konkluzioneve përfundimtare për kriterin e vlerësimit të aftësive profesionale, përfaqësuesi i Drejtuesit të Prokurorisë së Posaçme z. Klodjan Braho deklaroi se shkeljet e konstatuara të subjektit të rivlerësimit janë të tilla që kualifikohen në ato që cenojnë besimin e publikut tek sistemi i drejtësisë, sipas nenit 61, pika 5, të ligjit 84/2016. Përfundimisht, përfaqësuesi i Drejtuesit të Prokurorisë së Posaçme i kërkoi Kolegjit ndryshimin e vendimit të Komisionit të Pavarur të Kualifikimit nr. 702, datë 27.09.2023.

    Përfaqësuesja ligjore e subjektit të rivlerësimit deklaroi se kërkimi i masës ekstreme të shkarkimit nga përfaqësuesi i Drejtuesit të Prokurorisë së Posaçme, bazuar në pikën 5, të nenit 61, cenim i besimit të publikut tek sistemi i drejtësisë, bie ndesh me parashikimet ligjore që përcakton Aneksi i Kushtetutës, ligji i posaçëm, por edhe praktika e Kolegjit. Sipas përfaqësueses ligjore, referimi në këtë nen, mund të bëhej vetëm nëse do të kishte një vlerësim tërësor të tri kritereve të vlerësimit, ndërkohë që z. Bushati ka arritur nivel të besueshëm në dy kriteret e tjera, atë të pasurisë dhe të figurës. Gjithashtu, sa i përket episodeve të pretenduara si shkaqe që kanë cenuar besimin e publikut, përfaqësuesja ligjore deklaroi se konstatohet një mungesë tërësore e lidhjes shkakësore që do të mund të çonte në cënimin e presupozuar të besimit të publikut.

    Pasi dëgjoi qëndrimet përfundimtare të palëve, trupi gjykues vendosi mbylljen e shqyrtimit gjyqësor të çështjes dhe u tërhoq në dhomë këshillimi për marrjen e vendimit përfundimtar, të cilin do ta shpallë më datë 25.11.2025, ora 10:00.

    Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

  • Decision day
    2025-11-25 All day

    The Appeal Chamber held on 13.11.2025, at 09:00, the public hearing of case (JR) 53/2023, dated 09.11.2023, pertaining to the appeal of the Public Commissioner against decision no. 702, dated 27.09.2023 of the Independent Qualification Commission, related to the assessee Agron Bushati.

    During the submission of the final conclusions on the proficiency assessment criteria, Mr. Klodjan Braho, the representative of the Head of the Special Prosecution Office, maintained that the assessee’s violations amount to such gravity that they qualify as undermining public trust in the justice system, under Article 61, paragraph 5, of Law no. 84/2016. Finally, the representative of the Head of the Special Prosecution Office requested the Chamber the amendment of decision no. 702, dated 27.09.2023 of the Independent Qualification Commission.

    The legal representative of the assessee stated that the request for the extreme measure of dismissal from office of the representative of the Head of the Special Prosecution Office, pursuant to Article 61, paragraph 5, violation of public trust in the justice system, conflicts with the legal provisions set forth in the Annex to the Constitution, the special law, but also the case-law of the Appeal Chamber. According to the legal representative, the reference to this article could only be made if there was an overall evaluation of the three assessment criteria, while Mr. Bushati has reached a reliable level in the other two criteria, the asset and background ones. Also, with respect to the episodes alleged as grounds that have violated public trust, the legal representative stated that there is a complete lack of causal connection that could lead to the presumed violation of public trust.

    After hearing the final positions of the parties, the trial panel decided to close the judicial review of the case and withdrew in chambers to make the final decision, which it shall announce on 25.11.2025, at 10:00.

    The public hearing shall take place at the premises of the Appeal Chamber, at Boulevard “Dëshmorët e Kombit”, no. 3, Tirana.