Njoftim vendimi

Postuar në :

Njoftim vendimi

2019-07-09 00:00 - 00:00

Trupi gjykues i Kolegjit të Posaçëm të Apelimit, i përbërë nga Natasha Mulaj kryesuese, Rezarta Schuetz relatore, Albana Shtylla, Ina Rama, Luan Daci anëtarë, shpalli sot vendimin për çështjen (JR) nr. 13/2018, datë 07.09.2018, që i përket ankimit të paraqitur nga Komisioneri Publik kundër vendimit nr. 32, datë 05.07.2018, të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit Alma Brati.

Pas analizës financiare të kryer në Kolegj, trupi gjykues konkludoi se subjekti i rivlerësimit nuk justifikoi me burime të ligjshme shpenzimet dhe kursimet e deklaruara për periudhën 2007 – 2016, duke përfshirë në përllogaritje të gjitha kërkimet e Komisionerit Publik.

Në përfundim, bazuar në konkluzionet e mësipërme, në mbështetje të nenit D, pikat 1, 3 dhe 5 të Aneksit të Kushtetutës, të neneve 33, pika 5, germa “b” dhe 61, pika 3 e ligjit nr. 84/2016, vlerëson se vendimi nr.32, datë 05.07.2018, i Komisionit të Pavarur të Kualifikimit duhet ndryshuar.

Për këto arsye, trupi gjykues i Kolegjit të Posaçëm të Apelimit, mbështetur në faktet e provuara në gjykim dhe në ligjin e zbatueshëm për çështjen, sipas nenit 66 pika 1, germa “b” të ligjit nr.84/2016, në mënyrë unanime, vendosi:

  1. Ndryshimin e vendimit nr.32, datë 05.07.2018 të Komisionit të Pavarur të Kualifikimit, duke vendosur shkarkimin nga detyra të subjektit të rivlerësimit Alma Brati, gjyqtare pranë Gjykatës së Rrethit Gjyqësor, Tiranë.
  2. Ky vendim është përfundimtar, me efekt të menjëhershëm.

U shpall sot, në Tiranë, më datë 09.07.2019.

Related upcoming events

  • Njoftim vendimi
    2026-01-15 All day

    Kolegji i Posaçëm i Apelimit zhvilloi më datë 12.01.2026, ora 10:00, seancën gjyqësore publike të çështjes (JR) 45/2023, datë 12.10.2023, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 682, datë 10.07.2023, që lidhet me subjektin e rivlerësimit Enklid Gjini.

    Në vijim të seancës së mëparshme, Drejtuesi i Prokurorisë së Posaçme z. Klodjan Braho deklaroi se është njohur në mënyrë të drejtëpërdrejtë me informacionin e klasifikuar pranë organit ligjzbatues, në funksion të përgatitjes së një kërkimi përfundimtar të qartë e objektiv për çështjen nën shqyrtim.

    Pasi u konsultua, trupi gjykues vendosi mbylljen e hetimit gjyqësor të çështjes dhe kryesuesja e seancës ftoi palët në paraqitjen e konkluzioneve përfundimtare.

    Drejtuesi i Prokurorisë së Posaçme z. Klodjan Braho deklaroi se pas njohjes me informacionin e klasifikuar pranë organit ligjzbatues, vlerëson se, me shpjegimet shtesë bindëse e të pranueshme në parashtrime si dhe pas vlerësimit të provave të paraqitura gjatë procesit gjyqësor të zhvilluar në Kolegj, subjekti i rivlerësimit arriti të shërojë shkaqet e ankimit. Përfundimisht, Drejtuesi i Prokurorisë së Posaçme z. Klodjan Braho Kërkoi lënien në fuqi të vendimit të Komisionit të Pavarur të Kualifikimit nr. 682, datë 10.07.2023, që lidhet me subjektin e rivlerësimit Enklid Gjini.

    Të njëjtin qëndrim përfundimtar me Drejtuesin e Prokurorisë së Posaçme ndau edhe subjekti i rivlerësimit.

    Pasi dëgjoi kërkimet përfundimtare të palëve, trupi gjykues vendosi mbylljen e shqyrtimit gjyqësor dhe u tërhoq në dhomë këshillimi për marrjen e vendimit përfundimtar, të cilin do ta shpallë më datë 15.01.2026, ora 15:00.

    Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

  • Decision day
    2026-01-15 All day

    The Appeal Chamber held on 12.01.2026, at 10:00, the public hearing of case (JR) 45/2023, dated 12.10.2023, pertaining to the appeal of the Public Commissioner against decision no. 682, dated 10.07.2023 of the Independent Qualification Commission, related to the assessee Enklid Gjini.

    Following the previous hearing, the Head of the Special Prosecution Office, Mr. Klodjan Braho, stated that he had been directly acquainted with the classified information at the law enforcement agency, in order to prepare a clear and objective final investigation into the case under review.

    After being consulted, the panel decided to close the judicial investigation of the case and the presiding judge invited the parties to present their final conclusions.

    The Head of the Special Prosecution Office, Mr. Klodjan Braho, stated that after being acquainted with the classified information provided by the law enforcement agency, he assessed that, considering the additional convincing and acceptable explanations in the submissions and after evaluating the evidence lodged during the judicial proceedings at the Appeal Chamber, the assessee managed to dismiss the appeal grounds. Finally, the Head of the Special Prosecution Office, Mr. Klodjan Braho, requested the upholding of decision no. 682, dated 10.07.2023 of the Independent Qualification Commission, related to the assessee Enklid Gjini.

    The assessee shared the same final position with the Head of the Special Prosecution Office.

    After hearing the final arguments of the parties, the trial panel decided to close the trial and withdrew in chambers to make the final decision, which it shall announce on 15.01.2026, at 15:00.

    The public hearing shall take place at the premises of the Appeal Chamber, at Boulevard “Dëshmorët e Kombit”, no. 3, Tirana.