Trupi gjykues i Kolegjit të Posaçëm të Apelimit, i përbërë nga Natasha Mulaj kryesuese, Rezarta Schuetz relatore, Albana Shtylla, Ina Rama, Sokol Çomo anëtarë, shpalli vendimin për çështjen nr. 60/2021, datë 20.10.2021, që i përket ankimit të subjektit të rivlerësimit Durim Hasa kundër vendimit të Komisionit të Pavarur të Kualifikimit nr. 399, datë 14.06.2021.

Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

– Lënien në fuqi të vendimit nr. 399, datë 14.06.2021 të Komisionit të Pavarur të Kualifikimit, që i përket subjektit të rivlerësimit Durim Hasa.

– Ky vendim është përfundimtar dhe ka efekt të menjëhershëm.

U shpall sot, më datë 05.11.2024, në Tiranë.