Njoftim vendimi

Postuar në :

Njoftim vendimi

2025-04-09 All day

Kolegji i Posaçëm i Apelimit çeli më datë 09.04.2025, ora 15:00, seancën gjyqësore publike të çështjes (JR) 27/2022, datë 17.06.2022, që i përket ankimit të Komisionerit Publik kundër vendimit të Komisionit të Pavarur të Kualifikimit, nr. 521, datë 01.04.2022, që lidhet me subjektin e rivlerësimit Erjon Shehaj.

Pas çeljes së seancës gjyqësore kryesuesi i trupit gjykues relatoi si vijon:

Më datë 08.04.2025, subjekti i rivlerësimit ka paraqitur në Kolegjin e Posaçëm të Apelimit një akt të titulluar “Kërkesë për çeljen e hetimit nga Kolegji i Posaçëm i Apelimit”. Ky akt është depozituar si nëpërmjet postës elektronike, ashtu edhe në mënyrë të drejtëpërdrejtë nga subjekti i rivlerësimit në formën e një dokumenti të shkruar dhe të nënshkruar prej tij. Bashkëlidhur kësaj kërkese ishte një vendim gjyqësor i Gjykatës së Apelit të Juridiksionit të Përgjithshëm Tiranë. Trupi gjykues, në seancën e datës 04.04.2025, vendosi t’i japë fund hetimit gjyqësor të çështjes dhe të tërhiqet në dhomën e këshillimit për marrjen e vendimit përfundimtar, vendim të cilin e mori në bisedimet që zhvilloi më datë 04.04.2025, në prezencë të vëzhguesit ndërkombëtar të çështjes. Kërkesa është depozituar disa ditë më pas, më datë 08.04.2025 dhe trupi gjykues ishte në pamundësi ligjore për të shqyrtuar çfarëdolloj kërkese që mund të paraqitet nga palët pas marrjes së vendimit përfundimtar. Për këtë arsye, në respektim të parashikimeve ligjore, kjo kërkesë e subjektit të rivlerësimit nuk është marrë parasysh nga ana e trupit gjykues, si rrjedhojë do të vijohet me shpalljen e vendimit përfundimtar të marrë nga trupi gjykues për këtë çështje.

Në vijim, trupi gjykues i Kolegjit të Posaçëm të Apelimit, i përbërë nga Sokol Çomo kryesues, Albana Shtylla relatore, Ina Rama, Mimoza Tasi, Natasha Mulaj anëtare, shpalli vendimin për çështjen nr. 27/2022, datë 17.06.2022, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 521, datë 01.04.2022, që lidhet me subjektin e rivlerësimit Erjon Shehaj.

Në përfundim të gjykimit, trupi gjykues, bazuar në nenin 66, pika 1, shkronja “b” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

· Ndryshimin e vendimit të Komisionit të Pavarur të Kualifikimit nr. 521, datë 01.04.2022 dhe shkarkimin nga detyra të subjektit të rivlerësimit Erjon Shehaj.

· Ky vendim është përfundimtar dhe ka efekt të menjëhershëm.

U shpall në Tiranë, sot, më datë 09.04.2025.

Related upcoming events

  • Njoftim vendimi
    2025-12-15 All day

    Kolegji i Posaçëm i Apelimit zhvilloi më datë 25.11.2025, ora 11:00, seancën gjyqësore publike të çështjes (JR) 47/2023, datë 19.10.2023, që i përket ankimit të Komisionerit Publik kundër vendimit të Komisionit të Pavarur të Kualifikimit nr. 689, datë 24.07.2023, që lidhet me subjektin e rivlerësimit Ervin Pollozhani.

    Gjatë paraqitjes së konkluzioneve përfundimtare, përfaqësuesi i Drejtuesit të Prokurorisë së Posaçme z. Klodjan Braho deklaroi se subjekti i rivlerësimit gjendet në kushtet e deklarimit të pasaktë e të pamjaftueshëm të pasurisë dhe se pretendimet e tij për të kundërtën e shkaqeve të ankimit mbeten në nivel deklarativ e të pambështetura në aktet në dosje. Përfaqësuesi i Drejtuesit të Prokurorisë së Posaçme i kërkoi përfundimisht Kolegjit ndryshimin e vendimit nr. 689, datë 24.07.2023 të Komisionit të Pavarur të Kualifikimit dhe shkarkimin nga detyra të subjektit të rivlerësimit Ervin Pollozhani.

    Subjekti i rivlerësimit kundërshoi shkaqet e ankimit dhe dokumentin “gjetje dhe mendim” të paraqitur nga vëzhguesi ndërkombëtar i Operacionit Ndërkombëtar të Monitorimit dhe i kërkoi përfundimisht Kolegjit lënien në fuqi të vendimit nr. 689, datë 24.07.2023 të Komisionit të Pavarur të Kualifikimit, sipas tij, i bazuar në ligj e në prova, i marrë pas një hetimi të plotë, shterues dhe argumentues.

    Pasi dëgjoi konkluzionet përfundimtare të palëve, trupi gjykues vendosi mbylljen e shqyrtimit gjyqësor të çështjes dhe u tërhoq në dhomë këshillimi për marrjen e vendimit përfundimtar, të cilin do ta shpallë më datë 15.12.2025, ora 15:00.

    Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

  • Decision day
    2025-12-15 All day

    The Appeal Chamber held on 25.11.2025, at 11:00, the public hearing of case (JR) 47/2023, dated 19.10.2023, pertaining to the appeal of the Public Commissioner against decision no. 689, dated 24.07.2023 of the Independent Qualification Commission, related to the assessee Ervin Pollozhani.

    During the submission of the final conclusions, the representative of the Head of the Special Prosecution Office, Mr. Klodjan Braho stated that the assessee is found in terms of incorrect and insufficient declaration of assets and that his claims to the contrary of the appeal grounds remain at a declarative level and unsupported by the acts of the case file. The representative of the Head of the Special Prosecution Office ultimately requested the Appeal Chamber the amendment of decision no. 689, dated 24.07.2023 of the Independent Qualification Commission and the dismissal from office of the assessee Ervin Pollozhani.

    The assessee disputed the appeal grounds and the document “findings and opinion” submitted by the International Observer of the International Monitoring Operation and finally requested the Chamber the upholding of decision no. 689, dated 24.07.2023 of the Independent Qualification Commission, which according to him, is supported on law and evidence, following a complete, exhaustive and argumentative investigation.

    After hearing the final conclusions of the parties, the trial panel decided to close the judicial review of the case and withdrew in chambers to make the final decision, which it shall announce on 15.12.2025, at 15:00.

    The public hearing shall take place at the premises of the Appeal Chamber, at Boulevard “Dëshmorët e Kombit”, no. 3, Tirana.