Kolegji i Posaçëm i Apelimit zhvilloi më datë 06.05.2025, ora 10:00, seancën gjyqësore publike të çështjes (JR) 24/2024, datë 01.07.2024, që i përket ankimit të Komisionerit Publik kundër vendimit të Komisionit të Pavarur të Kualifikimit, nr. 744, datë 19.03.2024, që lidhet me subjektin e rivlerësimit Artan Hajredinaj.

Kryesuesja e seancës gjyqësore informoi se gjatë periudhës kohore mes seancës së mëparshme, të zhvilluar më datë 28.04.2025 dhe seancës së sotme, kishin mbërritur në Kolegj dy denoncime, të cilët u ishin përcjellë palëve. Lidhur me to, përfaqësuesi i Prokurorisë së Posaçme z. Klodian Braho deklaroi se janë të përsëritura dhe nuk mbajnë të dhëna me rëndësi për procesin e rivlerësimit. Të njëjtin qëndrim ndau edhe subjekti i rivlerësimit.

Gjatë paraqitjes së konkluzioneve përfundimtare, përfaqësuesi i Prokurorisë së Posaçme deklaroi se i qëndron shkaqeve të ankimit për kriterin e pasurisë dhe se i qëndron në mënyrë të pjesshme shkaqeve të ankimit për kriterin e vlerësimit të aftësive profesionale. Z. Klodian Braho u shpreh se subjekti i rivlerësimit gjendet në kushtet e deklarimit të pasaktë e të pamjaftueshëm dhe nuk justifikon me burime të ligjshme pasurinë e tij. Sa i përket kriterit të vlerësimit të aftësive profesionale, përfaqësuesi i Prokurorisë së Posaçme deklaroi se për tri nga shtatë denoncime, subjekti i rivlerësimit nuk arriti të provojë të kundërtën e ankimit dhe se rrethanat e rastit mbeten të njëjta. Ndërkohë, për dy çështjet e referuara nga organet ligjzbatuese dhe një cështje me konflikt të mundshëm interesi, nga përfaqësuesi i Prokurorisë së Posaçme u vlerësua se nuk konstatohen problematika në vendimmarrjen e subjektit të rivlerësimit. Përfundimisht, z. Klodian Braho kërkoi ndryshimin e vendimit të Komisionit të Pavarur të Kualifikimit, nr. 744, datë 19.03.2024 dhe shkarkimin nga detyra të subjektit të rivlerësimit Artan Hajredinaj.

Përfaqësuesja ligjore e subjektit të rivlerësimit kundërshtoi ankimin, duke e konsideruar atë të padrejtë në raport me faktet e hetuara dhe të pambështetur në fakte e në ligj. Përfaqësuesja ligjore e subjektit të rivlerësimit i kërkoi Kolegjit të mbajë në konsideratë faktin se pasaktësitë në deklarimin e pasurisë dhe rastet e trajtuara në kuadër të kriterit të vlerësimit të aftësive profesionale në referencë të denoncimeve, bazuar edhe në parimin e proporcionalitetit, nuk përmbajnë elementë të tillë që do të mund të afektonin vlerësimin pozitiv të subjektit dhe konfirmimin e tij në detyrë. Përfaqësuesja ligjore, përfundimisht, i kërkoi Kolegjit lënien në fuqi të vendimit nr. 744, datë 19.03.2024, që ka konfirmuar në detyrë subjektin e rivlerësimit Artan Hajredinaj.

Pasi dëgjoi konkluzionet përfundimtare të palëve, trupi gjykues u tërhoq në dhomë këshillimi për marrjen e vendimit përfundimtar, të cilin do ta shpallë më datë 14.05.2025, ora 15:00.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

Kolegji i Posaçëm i Apelimit zhvilloi më datë 05.05.2025, ora 12:30, seancën gjyqësore publike të çështjes (JR) 25/2024, datë 03.07.2024, që i përket ankimit të Komisionerit Publik kundër vendimit të Komisionit të Pavarur të Kualifikimit, nr. 760, datë 26.04.2024, që lidhet me subjektin e rivlerësimit Ardiana Bera.

Kryesuesja e trupit gjykues bëri me dije se në periudhën kohore mes seancës së mëparshme të datës 09.04.2025 dhe seancës së sotme, konkretisht më datë 30.04.2025, subjekti i rivlerësimit, znj. Ardiana Bera, ka dërguar në Kolegj disa akte të reja që lidhen me të ardhurat e vëllait të saj nga punësimi në Angli dhe një kërkesë për riçelje të hetimit, me qëllim administrimin e tyre.

Përfaqësuesi i Prokurorisë së Posaçme z, Adnan Xholi, pasi konfirmoi njohjen me to, paraqiti qëndrimin e tij për pranimin e kërkesës së subjektit të rivlerësimit për riçelje të hetimit dhe pranimin si provë të akteve të depozituara që sipas tij, janë në formën e kërkuar nga ligji.

Pasi u konsultua, trupi gjykues vendosi riçelje të hetimit gjyqësor dhe pranimin në cilësinë e provës të akteve të reja.

Pasi mbylli hetimin gjyqësor, trupi gjykues ftoi palët të paraqisnin konkluzionet përfundimtare.

Përfaqësuesi i Prokurorisë së Posaçme deklaroi se edhe pas provave të reja, subjekti i rivlerësimit nuk arriti të provojë të kundërtën e ankimit për kriterin e vlerësimit të pasurisë, ndërsa, sa i përket vlerësimit të aftësive profesionale deklaroi se mënyra e trajtimit të një çështjeje gjyqësore nga subjekti i rivlerësimit gjatë ushtrimit të detyrës dhe mangësitë e njohurive ligjore afektojnë besimin e publikut në sistemin e drejtësisë. Përfundimisht, përfaqësuesi i Prokurorisë së Posaçme i kërkoi Kolegjit ndryshimin e vendimit të Komisionit të Pavarur të Kualifikimit, nr. 760, datë 26.04.2024 dhe shkarkimin nga detyra të subjektit të subjektit të rivlerësimit Ardiana Bera.

Përfaqësuesja ligjore e subjektit të rivlerësimit deklaroi se përfaqësuesi i Prokurorisë së Posaçme, gjatë paraqitjes së konkluzioneve përfundimtare, solli argumente shtesë, duke devijuar nga qëndrimi i mëparshëm për të dyja kriteret e vlerësimit, të pasurisë dhe atë profesional.  Përfaqësuesja ligjore kërkoi kohë shtesë për të ristrukturuar qëndrimin, kërkesë që nuk u pranua nga trupi gjykues, me arsyetimin se çdonjëra nga palët mund të paraqesë qëndrim të pakushtëzuar nga qëndrimi i palës tjetër.

Duke vijuar me konkluzionet përfundimtare, përfaqësuesja ligjore e subjektit të rivlerësimit i kërkoi Kolegjit mospranimin e ankimit, pasi është bërë mbi një vlerësim subjektiv, si dhe është i pabazuar në prova dhe ligj. Përfaqësuesja ligjore u shpreh se provat e reja të sjella gjatë procesit në Kolegj provojnë se subjekti i rivlerësimit arrin nivel të besueshëm në kriterin e pasurisë, ndërkohë që sipas saj, çështja e marrë si referencë në kuadër të vlerësimit profesional, nuk përmban rrethana konkrete, faktike apo gabime që mund të ndikonin për një vlerësim negativ në këtë kriter, aq më pak cenimin e besimit tek sistemi i drejtësisë. Përfundimisht, subjekti i rivlerësimit i kërkoi Kolegjit lënien në fuqi të vendimit të Komisionit të Pavarur të Kualifikimit, nr. 760, datë 26.04.2024.

Pasi dëgjoi konkluzionet përfundimtare të palëve, trupi gjykues vendosi mbylljen e shqytimit gjyqësor të çështjes dhe u tërhoq në dhomë këshillimi për marrjen e vendimit përfundimtar, të cilin do ta shpallë më datë 20.05.2025, në orën 13:00.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr. 3, Tiranë.

The Appeal Chamber held on 05.05.2025, at 12:30, the public hearing of case (JR) 25/2024, dated 03.07.2024, pertaining to the appeal of the Public Commissioner against decision no. 760, dated 26.04.2024 of the Independent Qualification Commission, related to the assessee Ardiana Bera.

The presiding judge informed that in the period between the previous hearing dated 09.04.2025 and today’s hearing, namely, on 30.04.2025, the assessee, Ms. Ardiana Bera has forwarded to the Chamber several new documents related to her brother’s income from his employment in UK and requested the reopening of the investigation, with the aim of their administration.

The representative of the Special Prosecution Office, Mr. Adnan Xholi, after confirming his acquaintance with them, submitted his stand on accepting the request of the assessee for reopening the investigation and accepting as evidence the lodged documents that, according to him, are in the form required by law.

After being consulted, the trial panel decided to reopen the judicial investigation and accept as evidence the new documents.

After closing the judicial investigation, the trial panel invited the parties to file their final conclusions.

The representative of the Special Prosecution Office stated that even after the submission of the new evidence, the assessee failed to prove the opposite of the appeal regarding the asset assessment criterion, whereas with regard to the proficiency assessment, he maintained that the manner in which the assessee has managed a judicial case during the exercise of her office and the deficiencies in legal knowledge affect public confidence in the justice system. Finally, the representative of the Special Prosecution Office requested the Chamber the amendment of decision no. 760, dated 26.04.2024 of the Independent Qualification Commission and the dismissal from office of the assessee Ardiana Bera.

The legal representative of the assessee stated that the representative of the Special Prosecution Office, during the submission of the final conclusions, brought additional arguments, deviating from the previous position regarding both asset and proficiency assessment criteria. The legal representative requested additional time to restructure the position, a request that was not accepted by the trial panel, arguing that each of the parties may present a position unconditional from the position of the other party.

In continuation of the final conclusions, the legal representative of the assessee requested the Chamber the dismissal of the appeal, as it was made on a subjective assessment, and it is unfounded in evidence and law. The legal representative held that the new evidence lodged during the AC proceedings proves that the assessee reaches a reliable level in the asset assessment, while according to her, the case taken as a reference in the context of the proficiency assessment contains no concrete, factual circumstances or errors that could influence a negative assessment in this criterion, much less the violation of trust in the justice system. Finally, the assessee requested the Chamber the upholding of decision no. 760, dated 26.04.2024 of the Independent Qualification Commission.

After hearing the final conclusions of the parties, the panel decided to close the judicial review of the case and withdrew in chambers to make the final decision, which it shall announce on 20.05.2025, at 13:00.

The public hearing shall take place at the premises of the Appeal Chamber, at Boulevard “Dëshmorët e Kombit”, no. 3, Tirana.