Kolegji i Posaçëm i Apelimit çeli sot, më datë 10.01.2023, ora 10:00, seancën gjyqësore publike të çështjes (JR) 47/2020, datë 22.10.2020, që i përket ankimit të Komisionerit Publik kundër vendimit nr. 264, datë 17.06.2020, të Komisionit të Pavarur të Kualifikimit që lidhet me subjektin e rivlerësimit Elona Toro.

Për shkak të mosformimit të plotë të trupit gjykues si pasojë e pamundësisë objektive të një anëtari për të marrë pjesë në seancën e sotme gjyqësore, u vendos shtyrja e kësaj seance për në datën 19.01.2023, ora 10:00.

Seanca publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Ditën e martë, më datë 17.01.2023, ora 10:00, do të gjykohet në dhomë këshillimi çështja (JR) nr. 30/2020, datë 22.07.2020 që i përket ankimit të subjektit të rivlerësimit Andi Civici kundër vendimit të Komisionit të Pavarur të Kualifikimit nr. 243, datë 04.03.2020.

Trupi gjykues për gjykimin e kësaj çështjeje përbëhet nga:

Kryesuese: Natasha Mulaj

Relatore: Rezarta Schuetz

Anëtarë: Albana Shtylla, Ina Rama, Sokol Çomo

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Trupi gjykues i Kolegjit të Posaçëm të Apelimit, i përbërë nga Natasha Mulaj kryesuese, Rezarta Schuetz relatore, Albana Shtylla, Ina Rama, Sokol Çomo anëtarë, shpalli vendimin për çështjen (JR) nr. 30/2020, datë 22.07.2020, që i përket ankimit të subjektit të rivlerësimit Andi Civici kundër vendimit të Komisionit të Pavarur të Kualifikimit nr. 243, datë 04.03.2020.

Në përfundim të gjykimit në dhomë këshillimi, trupi gjykues, bazuar në nenin 66, pika 1, shkronja “a” e ligjit nr.84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, vendosi:

1.    Lënien në fuqi të vendimit nr. 243, datë 04.03.2020 të Komisionit të Pavarur të Kualifikimit, që i përket subjektit të rivlerësimit Andi Civici.

2.    Ky vendim është përfundimtar dhe ka efekt të menjëhershëm.

U shpall sot, në Tiranë, më datë 17.01.2023

Sot, më datë 17.01.2023, në Kolegjin e Posaçëm të Apelimit u hodh shorti për zëvendësimin e gjyqtarit Ardian Hajdari, i caktuar anëtar në çështjen (JR) nr. 46/2020, datë 19.10.2020, që i përket ankimit të subjektit të rivlerësimit Nure Dreni kundër vendimit nr. 263, datë 17.06.2020, të Komisionit të Pavarur të Kualifikimit.

Zëvendësimi i gjyqtarit Ardian Hajdari është bërë për shkak të pezullimit të tij nga detyra me vendimin nr. 13, datë 07.02.2022 të Mbledhjes së Gjyqtarëve të Kolegjit të Posaçëm të Apelimit.

Pas hedhjes së shortit, për caktimin e gjyqtarit anëtar, trupi gjykues i çështjes (JR) nr. 46/2020, datë 19.10.2020, do të ketë përbërjen që vijon:

Kryesuese:   Natasha Mulaj

Relatore:      Rezarta Schuetz

Anëtarë:      Sokol Çomo, Albana Shtylla, Mimoza Tasi

******************************************

Sot, më datë 17.01.2023, në Kolegjin e Posaçëm të Apelimit u hodh shorti për zëvendësimin e gjyqtarit Ardian Hajdari, i caktuar anëtar në çështjen (JR) nr. 1/2021, datë 08.01.2021, që i përket ankimit të subjektit të rivlerësimit Fjoralba Prifti kundër vendimit nr. 299, datë 17.09.2020, të Komisionit të Pavarur të Kualifikimit.

Zëvendësimi i gjyqtarit Ardian Hajdari është bërë për shkak të pezullimit të tij nga detyra me vendimin nr. 13, datë 07.02.2022 të Mbledhjes së Gjyqtarëve të Kolegjit të Posaçëm të Apelimit.

Pas hedhjes së shortit, për caktimin e gjyqtarit anëtar, trupi gjykues i çështjes (JR) nr. 1/2021, datë 08.01.2021, do të ketë përbërjen që vijon:

Kryesuese:   Albana Shtylla

Relatore:      Ina Rama

Anëtarë:      Natasha Mulaj, Rezarta Schuetz, Mimoza Tasi

Në Kolegjin e Posaçëm të Apelimit është regjistruar çështja (JR) nr. 53/2022, datë 28.12.2022, që i përket ankimit të subjektit të rivlerësimit Blerta Marku (Çibuku) kundër vendimit nr. 565 vendimi, datë 26.09.2022, të Komisionit të Pavarur të Kualifikimit.

Sot, në datën 17.01.2023, në Kolegjin e Posaçëm të Apelimit u hodh shorti për caktimin e trupit gjykues, kryesuesin e këtij trupi dhe relatorin e çështjes.

Trupi gjykues i caktuar me short është i përbërë si më poshtë vijon:

Kryesuese:  Natasha Mulaj

Relator:     Sokol Çomo

Anëtarë:     Rezarta Schuetz, Albana Shtylla, Mimoza Tasi

***********************************

Në Kolegjin e Posaçëm të Apelimit është regjistruar çështja (JR) nr. 1/2023, datë 10.01.2023, që i përket ankimit të subjektit të rivlerësimit Ilir Turja kundër vendimit nr. 584 vendimi, datë 7.11.2022, të Komisionit të Pavarur të Kualifikimit.

Sot, në datën 17.01.2023, në Kolegjin e Posaçëm të Apelimit u hodh shorti për caktimin e trupit gjykues, kryesuesin e këtij trupi dhe relatorin e çështjes.

Trupi gjykues i caktuar me short është i përbërë si më poshtë vijon:

Kryesuese:  Albana Shtylla

Relatore:      Natasha Mulaj

Anëtarë:     Sokol Çomo, Ina Rama, Rezarta Schuetz

***********************************

Në Kolegjin e Posaçëm të Apelimit është regjistruar çështja (JR) nr. 2/2023, datë 12.01.2023, që i përket ankimit të subjektit të rivlerësimit Arjana Gumbardhi (Caco) kundër vendimit nr. 570 vendimi, datë 7.10.2022, të Komisionit të Pavarur të Kualifikimit.

Sot, në datën 17.01.2023, në Kolegjin e Posaçëm të Apelimit u hodh shorti për caktimin e trupit gjykues, kryesuesin e këtij trupi dhe relatorin e çështjes.

Trupi gjykues i caktuar me short është i përbërë si më poshtë vijon:

Kryesuese:  Ina Rama

Relatore:      Mimoza Tasi

Anëtarë:     Sokol Çomo, Rezarta Schuetz, Albana Shtylla

Kolegji i Posaçëm i Apelimit njofton se ditën e hënë, më datë 20.02.2023, ora 10:00, do të zhvillohet seanca plenare mbi bazë dokumentesh për çështjen (JD) 1/2022, datë 16.02.2022, me kërkues Shkëlqim Kokona, kundër vendimit nr. 411, datë 17.12.2021 të Këshillit të Lartë të Prokurorisë, me subjekte të interesuar Këshillin e Lartë të Prokurorisë dhe Inspektorin e Lartë të Drejtësisë.

Kjo çështje do të shqyrtohet nga gjyqtarët:

Albana Shtylla                        Kryetare e Kolegjit të Posaçëm të Apelimit

Ina Rama                                 Anëtare e Kolegjit të Posaçëm të Apelimit

Mimoza Tasi                            Anëtare e Kolegjit të Posaçëm të Apelimit

Natasha Mulaj                         Anëtare e Kolegjit të Posaçëm të Apelimit

Rezarta Schuetz                      Anëtare e Kolegjit të Posaçëm të Apelimit

Sokol Çomo                            Anëtar i Kolegjit të Posaçëm të Apelimit

Seanca plenare mbi bazë dokumentesh do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Kolegji i Posaçëm i Apelimit zhvilloi sot, më datë 19.01.2023, ora 10:00, seancën gjyqësore publike të çështjes (JR) 47/2020, datë 22.10.2020, që i përket ankimit të Komisionerit Publik kundër vendimit nr. 264, datë 17.06.2020, të Komisionit të Pavarur të Kualifikimit që lidhet me subjektin e rivlerësimit Elona Toro.

Subjekti i rivlerësimit znj. Elona Toro iu përgjigj pyetjeve që relatorja e çështjes i drejtoi gjatë seancës gjyqësore të datës 21 dhjetor 2022 në kuadër të debatit gjyqësor rreth analizës financiare të përgatitur nga Kolegji dhe dha shpjegime shtesë në përgjigje të parashtrimeve të Komisionerit Publik të seancës së mëparshme. Bashkëlidhur prapësimeve të sotme, subjekti i rivlerësimit paraqiti edhe disa akte, që kërkoi të merren në cilësinë e provës nga trupi gjykues.

I pyetur nga trupi gjykues lidhur me anën formale të akteve, Komisioneri Publik konstatoi se se njëri prej tyre, specifikisht, një vendim gjyqësor i Gjykatës së Shkallës së Parë Tiranë, ishte i paplotë për nga përmbajtja.

Pasi u konsultua, trupi gjykues vendosi të pranojë si provë aktet e paraqitura nga subjekti i rivlerësimit, përveç vendimit gjyqësor të Gjykatës së Shkallës së Parë Tiranë, për shkak se e vlerësoi të paplotë. Trupi gjykues i kërkoi subjektit të rivlerësimit të mbante qëndrim, nëse i nevojitej kohë për të verifikuar përmbajtjen e këtij akti e për ta risjellë në formë të plotë, përndryshe, do të mbetej për t’u zbatuar vendimi i ndërmjetëm për mosadministrimin si provë të këtij dokumenti.

Subjekti i rivlerësimit deklaroi se tërhiqej nga kërkesa për marrjen si provë të aktit.

Pasi palët deklaruan se nuk kishin kërkesa të tjera procedurale, trupi gjykues vendosi të mbyllë hetimin gjyqësor të çështjes dhe ftoi palët të paraqesin konkluzionet përfundimtare.

Me kërkesë të Komisionerit Publik për kohë të mjaftueshme për të përgatitur konkluzionet përfundimtare duke marrë në konsideratë parashtrimet e sotme të subjektit të rivlerësimit dhe aktet e pranuara si provë, trupi gjykues vendosi të shtyjë seancën gjyqësore për në datën 25 janar 2023, ora 12:00.

Seanca gjyqësore publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3, Tiranë.

Kolegji i Posaçëm i Apelimit zhvilloi sot, më datë 24.01.2023, ora 10:00, seancën gjyqësore publike të çështjes (JR) 49/2020, datë 16.11.2020, që i përket ankimit të Komisionerit Publik kundër vendimit nr. 275, datë 20.07.2020, të Komisionit të Pavarur të Kualifikimit që lidhet me subjektin e rivlerësimit Enkeleda Osmani (Xhengo).

Gjatë paraqitjes së shkaqeve të ankimit për kriterin e pasurisë, Komisioneri Publik deklaroi se subjekti i rivlerësimit, znj. Enkeleda Osmani (Xhengo) është në kushtet e deklarimit të pasaktë dhe të pamjaftueshëm dhe se nuk arrin nivel të besueshëm për konfirmimin në detyrë. Komisioneri Publik kërkoi ndryshimin e vendimit nr. 275, datë 20.07.2020, të Komisionit të Pavarur të Kualifikimit dhe shkarkimin nga detyra të subjektit të rivlerësimit.

Përfaqësuesi ligjor i subjektit të rivlerësimit paraqiti prapësimet lidhur me shkaqet e ankimit dhe i kërkoi Kolegjit që gjatë kryerjes së analizës financiare, t’i vlerësojë e t’i mbajë në konsideratë ato. Përfaqësuesi ligjor kërkoi riçeljen e hetimit gjyqësor të çështjes, marrjen në cilësinë e provës të disa akteve të reja që paraqiti gjatë seancës së sotme, si dhe, i kërkoi Kolegjit konfirmimin në detyrë të subjektit të rivlerësimit, znj. Enkeleda Osmani (Xhengo), pasi të vlerësojë se arrin nivel të besueshëm në kriterin e pasurisë.

Pasi u konsultua, trupi gjykues vendosi të çelë hetimin gjyqësor të çështjes dhe të pranojë në cilësinë e provës aktet e reja të depozituara nga subjekti i rivlerësimit. Lidhur me disa denoncime të mbërritura në Kolegj, trupi gjykues vlerësoi se nuk përmbajnë fakte dhe rrethana për hetime të mëtejshme.

Lidhur me provat e reja, Komisioneri Publik deklaroi se do të mbajë qëndrimin e tij gjatë paraqitjes së konkluzioneve përfundimtare.

Pasi palët deklaruan se nuk kishin kërkesa të tjera proedurale, trupi gjykues vendosi të mbyllë hetimin gjyqësor të çështjes dhe ftoi palët të paraqesin konkluzionet përfundimtare në seancës e radhës, më datë 03.02.2023, ora 10:00.

Seanca gjyqësore publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3, Tiranë.

Ditën e martë, më datë 21.02.2023, ora 10:00, do të gjykohet në dhomë këshillimi çështja (JR) nr. 1/2021, datë 08.01.2021 që i përket ankimit të subjektit të rivlerësimit Fjoralba Prifti kundër vendimit të Komisionit të Pavarur të Kualifikimit nr. 299, datë 17.09.2020.

Trupi gjykues për gjykimin e kësaj çështjeje përbëhet nga:

Kryesuese: Albana Shtylla

Relatore: Ina Rama

Anëtarë: Natasha Mulaj, Mimoza Tasi, Rezarta Schuetz

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Në Kolegjin e Posaçëm të Apelimit është regjistruar çështja (JR) nr. 3/2023, datë 17.01.2023, që i përket ankimit të Komisionerit Publik kundër vendimit nr. 592, datë 24.11.2022, të Komisionit të Pavarur të Kualifikimit që lidhet me subjektin e rivlerësimit Erion Pano.

Sot, në datën 24.01.2023, në Kolegjin e Posaçëm të Apelimit u hodh shorti për caktimin e trupit gjykues, kryesuesin e këtij trupi dhe relatorin e çështjes.

Trupi gjykues i caktuar me short është i përbërë si më poshtë vijon:

Kryesuese: Rezarta Schuetz

Relatore: Mimoza Tasi

Anëtarë: Sokol Çomo, Ina Rama, Albana Shtylla

Kolegji i Posaçëm i Apelimit zhvilloi sot, më datë 25.01.2023, ora 12:00, seancën gjyqësore publike të çështjes (JR) 47/2020, datë 22.10.2020, që i përket ankimit të Komisionerit Publik kundër vendimit nr. 264, datë 17.06.2020, të Komisionit të Pavarur të Kualifikimit që lidhet me subjektin e rivlerësimit Elona Toro.

Në përmbyllje të konkluzioneve përfundimtare, Komisioneri Publik i kërkoi Kolegjit ndryshimin e vendimit nr. 264, datë 17.06.2020, të Komisionit të Pavarur të Kualifikimit dhe shkarkimin nga detyra të subjektit të rivlerësimit, pasi vlerësoi se subjekti i rivlerësimit, znj. Elona Toro, nuk mbulon me të ardhura të ligjshme një pjesë të pasurisë së saj.

Përfundimisht, subjekti i rivlerësimit i kërkoi Kolegjit lënien në fuqi të vendimit nr. 264, datë 17.06.2020, të Komisionit të Pavarur të Kualifikimit, pas kryerjes së një vlerësimi të drejtë dhe tërësor të çështjes, në zbatim të parimeve të objektivitetit dhe proporcionalitetit.

Pasi dëgjoi konkluzionet përfundimtare të palëve, trupi gjykues u tërhoq për marrjen e vendimit përfundimtar të çështjes, të cilin do ta shpallë më datë 2 shkurt 2023, ora 13:00.

Seanca gjyqësore publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3, Tiranë.

Ditën e mërkurë, më datë 22.02.2023, ora 10:00, do të gjykohet në dhomë këshillimi çështja (JR) nr. 57/2020, datë 07.12.2020 që i përket ankimit të subjektit të rivlerësimit Lindita Hoxha kundër vendimit të Komisionit të Pavarur të Kualifikimit nr. 289, datë 06.08.2020.

Trupi gjykues për gjykimin e kësaj çështjeje përbëhet nga:

Kryesuese: Natasha Mulaj

Relatore: Albana Shtylla

Anëtarë: Ina Rama, Mimoza Tasi, Sokol Çomo

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Kolegji i Posaçëm i Apelimit zhvilloi sot, më datë 31.01.2023, ora 10:00, seancën gjyqësore publike të çështjes (JR) 7/2021, datë 28.01.2021, që i përket ankimit të Komisionerit Publik kundër vendimit nr. 287, datë 04.08.2020, të Komisionit të Pavarur të Kualifikimit që lidhet me subjektin e rivlerësimit Anita Mici.

Gjatë paraqitjes së shkaqeve të ankimit, për kriterin e pasurisë, Komisioneri Publik deklaroi se subjekti i rivlerësimit, znj. Anita Mici, është në kushtet e deklarimit të pasaktë dhe të pamjaftueshëm, ndërsa lidhur me kriterin e vlerësimit profesional, i kërkoi Kolegjit të bëjë një vlerësim tërësor, duke marrë në konsideratë gjetjet e raporteve mbi vlerësimin profesional të subjektit të rivlerësimit, të kryera nga organet gjyqësore dhe ato ndihmëse të procesit të rivlerësimit.

Në përmbyllje të parashtrimeve, Komisioneri Publik kërkoi ndryshimin e vendimit nr. 287, datë 04.08.2020 të Komisionit të Pavarur të Kualifikimit dhe shkarkimin nga detyra të subjektit të rivlerësimit, znj. Anita Mici.

Subjekti i rivlerësimit paraqiti prapësimet lidhur me shkaqet e ankimit të Komisionerit Publik, duke i kërkuar Kolegjit riçeljen e hetimit gjyqësor dhe marrjen në cilësinë e provës të akteve që paraqiti bashkëlidhur prapësimeve. Subjekti i rivlerësimit deklaroi se arrin nivel të besueshëm në kriterin e figurës dhe atë të pasurisë, si dhe nivel të mirë kualifikues në vlerësimin e kriterit profesional.

Në përmbyllje të parashtrimeve, subjekti i rivlerësimit deklaroi se vendimi nr. 287, datë 04.08.2020 i Komisionit të Pavarur të Kualifikimit është një vendim i marrë në vlerësim të drejtë të fakteve dhe legjislacionit të zbatueshëm dhe kërkoi lënien në fuqi të tij.

Lidhur me disa denoncime të publikut, Komisioneri Publik u shpreh se nuk përmbajnë fakte dhe rrethana për hetime të mëtejshme. Lidhur me to, subjekti i rivlerësimit deklaroi se njëri prej denoncimeve, duke qenë anonim, nuk përmbush kërkesat e ligjit, pasi nuk jep të dhëna për identifikimin e denoncuesit dhe aq më pak, të fakteve apo rrethana konkrete. Lidhur me denoncimet e tjera, deklaroi se kanë të bëjnë me vendime gjyqësore të marra pas periudhës së vlerësimit dhe nuk duhet të merren në konsideratë.

Pasi u konsultua, trupi gjykues vendosi të pranojë kërkesën e subjektit të rivlerësimit për riçeljen e hetimit gjyqësor, duke pranuar në cilësinë e provës aktet e depozituara nga subjketi i rivlerësimit bashkëlidhur parashtrimeve.

Lidhur me denoncimet, trupi gjykues vendosi të mos çelë hetim lidhur me to, pasi nuk plotësojnë kërkesat e nenit 53 të ligjit 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”.

Pasi palët deklaruan se nuk kishin kërkesa të tjera procedurale, trupi gjykues vendosi të mbyllë hetimin gjyqësor të çështjes dhe ftoi palët të paraqesin konkluzionet përfundimtare.

Duke marrë parasysh kërkesën e palëve për kohë të mjaftueshme për përgatitjen e konkluzioneve përfundimtare, trupi gjykues vendosi të shtyjë seancën gjyqësore për në datën 13 shkurt 2023, ora 10:00.

Seanca gjyqësore publike do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3, Tiranë.

Ditën e hënë, më datë 27.02.2023, ora 13:00, do të gjykohet në dhomë këshillimi çështja (JR) nr. 7/2022, datë 03.02.2022 që i përket ankimit të subjektit të rivlerësimit Rexhep Karaj kundër vendimit të Komisionit të Pavarur të Kualifikimit nr. 478, datë 25.11.2021.

Trupi gjykues për gjykimin e kësaj çështjeje përbëhet nga:

Kryesuese: Rezarta Schuetz

Relatore: Mimoza Tasi

Anëtarë: Albana Shtylla, Ina Rama, Sokol Çomo

Seanca në dhomë këshillimi do të zhvillohet në ambientet e Kolegjit të Posaçëm të Apelimit, në adresën: Bulevardi “Dëshmorët e Kombit”, nr.3. Tiranë.

Sot, më datë 31.01.2023, në Kolegjin e Posaçëm të Apelimit u hodh shorti për zëvendësimin e gjyqtarit Ardian Hajdari i caktuar kryesues në çështjen (JR) nr. 44/2020, datë 02.10.2020, që i përket ankimit të subjektit të rivlerësimit Blerim Tominaj kundër vendimit 261, datë 16.06.2020 të Komisionit të Pavarur të Kualifikimit.

Zëvendësimi i gjyqtarit Ardian Hajdari është bërë për shkak të pezullimit të tij nga detyra me vendimin nr. 13, datë 07.02.2022 të Mbledhjes së Gjyqtarëve të Kolegjit të Posaçëm të Apelimit.

Pas hedhjes së shortit, për caktimin e gjyqtarit anëtar dhe më pas, për kryesuesin, trupi gjykues i çështjes (JR) nr. 44/2020, datë 02.10.2020, do të ketë përbërjen që vijon:

Kryesuese: Rezarta Schuetz

Relator: Sokol Çomo

Anëtarë: Ina Rama, Albana Shtylla, Mimoza Tasi

**************************

Sot, më datë 31.01.2023, në Kolegjin e Posaçëm të Apelimit u hodh shorti për zëvendësimin e gjyqtarit Ardian Hajdari, i caktuar anëtar në çështjen (JR) nr. 63/2020, datë 22.12.2020, që i përket ankimit të subjektit të rivlerësimit Neritan Cena kundër vendimit nr. 304, datë 06.10.2020, të Komisionit të Pavarur të Kualifikimit.

Zëvendësimi i gjyqtarit Ardian Hajdari është bërë për shkak të pezullimit të tij nga detyra me vendimin nr. 13, datë 07.02.2022 të Mbledhjes së Gjyqtarëve të Kolegjit të Posaçëm të Apelimit.

Pas hedhjes së shortit, për caktimin e gjyqtarit anëtar trupi gjykues i çështjes (JR) nr. 63/2020, datë 22.12.2020, do të ketë përbërjen që vijon:

Kryesuese: Rezarta Schuetz

Relator:  Sokol Çomo

Anëtarë: Natasha Mulaj, Ina Rama, Mimoza Tasi

*************************

Sot, më datë 31.01.2023, në Kolegjin e Posaçëm të Apelimit u hodh shorti për zëvendësimin e gjyqtarit Ardian Hajdari i caktuar kryesues në çështjen (JR) nr. 6/2021, datë 26.01.2021, që i përket ankimit të Komisionerit Publik dhe subjektit të rivlerësimit kundër vendimit nr. 276 datë 21.07.2020, të Komisionit të Pavarur të Kualifikimit që lidhet me subjektin e rivlerësimit Irena Brahimi.

Zëvendësimi i gjyqtarit Ardian Hajdari është bërë për shkak të pezullimit të tij nga detyra me vendimin nr. 13, datë 07.02.2022 të Mbledhjes së Gjyqtarëve të Kolegjit të Posaçëm të Apelimit.

Pas hedhjes së shortit, për caktimin e gjyqtarit anëtar dhe më pas, për kryesuesin, trupi gjykues i çështjes (JR) nr. 6/2021, datë 26.01.2021, do të ketë përbërjen që vijon:

Kryesuese: Natasha Mulaj

Relator:  Sokol Çomo

Anëtarë: Ina Rama, Rezarta Schuetz, Mimoza Tasi